អគារសិក្សាជាថ្នាលបណ្តុះបណ្តាលចំណេះដឹងដល់កូនចៅតជំនាន់បើចេះថែរក្សាឱ្យបានគង់វង្សយូរអង្វែង
11-June-2018 | ដោយ ពលមនសិការ
បន្ទាយមានជ័យ៖ អគារសិក្សាជាថ្នាលបណ្តុះបណ្តាលចំណេះដឹងដល់កូនចៅតជំនាន់បើចេះថែរក្សាបានគង់វង្សយូរអង្វែងដែលលោកឧបនាយករដ្ឋមន្ត្រី កែ គឹមយ៉ាន ណែនាំក្នុងពិធីសម្ពោធដាក់ឱ្យប្រើប្រាស់នៅថ្ងៃទី១១ ខែមិថុនា ឆ្នាំ២០១៨ នៅសាលាបឋមសិក្សាកងវ៉ា ក្រុងសិរីសោភ័ណ។
លោក ហ៊ឹល រ៉ាយ៉ា អភិបាលក្រុងសិរីសោភ័ណបានមានប្រសាសន៍ថាអគារសិក្សាដែលត្រូវបានដាក់សម្ពោធឱ្យប្រើប្រាស់មាន១ខ្នង ៥បន្ទប់ ដែលធ្វើអំពីថ្មប្រក់ក្បឿងដែលជាអំណោយលោកឧបនាយករដ្ឋមន្ត្រី កែ គឹមយ៉ាន ប្រធានអាជ្ញាធរជាតិប្រយុទ្ធប្រឆាំងគ្រឿងញៀននិងជាប្រធានក្រុមការងារថ្នាក់ជាតិចុះជួយខេត្តបន្ទាយមានជ័យនិងលោកជំទាវ ម៉ៅ ម៉ាល័យ បុត្រាបុត្រីបានជួយកសាងអគារសិក្សាសម្រាប់កូនចៅបានសិក្សារៀនសូត្រ។
លោកឧបនាយករដ្ឋមន្ត្រី កែ គឹមយ៉ាន ប្រធានអាជ្ញាធរជាតិប្រយុទ្ធប្រឆាំងគ្រឿងញៀនបានមានមានប្រសាសន៍ថាដើម្បីចូលរួមចំណែកលើវិស័យអប់រំលោកបានជួយកសាងអគារសិក្សា១ខ្នង៥បន្ទប់សម្រាប់កូនចៅបានរៀនសូត្រស្របតាមគោលនយោបាយរបស់រាជរដ្ឋាភិបាលកម្ពុជាក្រោមការដឹកនាំរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជាដែលកំពុងយកចិត្តទុកដាក់លើវស័យអប់រំ។
លោកបានមានប្រសាសន៍ផ្តាំផ្ញើដល់លោកគ្រូអ្នកគ្រូនិងមាតាបិតាសិស្សត្រូវចេះថែរក្សាអគារសិក្សានេះឱ្យល្អគង់វង្សយូរអង្វែងព្រោះអគារសិក្សាជាថ្នាលបណ្តុះកូនចៅមានចំណេះដឹងសម្រាប់គ្រួសារនិងសង្គមជាតិទៅពេលអនាគត។
ក្នុងឱកាសនោះដែរលោកឧបនាយករដ្ឋមន្ត្រី កែ គឹមយ៉ាន បាននាំយកអំណោយចែកជូនដល់ប្រជាពលរដ្ឋ៤,០០០នាក់ម្នាក់ទទួលសារ៉ុង១ក្នុងនោះមានចាស់ជរា៤០០នាក់ម្នាក់ទទួលបានឃីត១កញ្ចប់ជាអំណោយរបស់សមាគមមូលនិធិមនុស្សចាស់មានកំសៀវដាំទឹកក្តៅ១ សារ៉ុង១ ក្រម៉ា១ ពិល១ ប្រេកូឡា២ប្រអប់ ប្រេងខ្យល់២ដប មី១០កញ្ចប់ ទឹកដោះគោ២កំប៉ុង កៅអៀក២បន្ទះ អំបិល២ថុងស្មើ២គីឡូក្រាម តែ១កញ្ចប់ ថវិកា២ម៉ឺនរៀល ៕
ចំនួនអ្នកទស្សនា
- ថ្ងៃនេះ8261
- ម្សិលមិញ9421
- សប្តាហ៍នេះ63921
- ខែនេះ179071
- ឆ្នាំនេះ179071
- សរុប20621527