ជនសង្ស័យម្នាក់ដែលវាយជនជាតិម៉ាឡេស៊ីម្នាក់ស្លាប់កាលពីម្សិលមិញ ត្រូវនគរបាលសហការជាមួយកម្លាំង អ.ហ ចាប់ខ្លួនបានហើយ
19-June-2018 | ដោយ ពលមនសិការ
ស្វាយរៀង៖ ក្រោមការចង្អុលបង្ហារបស់លោកឧត្តមសេនីយ៍ទោ កឹង ឃន ស្នងការនគរបាលខេត្តស្វាយរៀង បានដាក់បទបញ្ជាយ៉ាងម៉ឺងម៉ាត់ដល់កម្លាំងជំនាញផ្នែកព្រហ្មទណ្ឌសហការជាមួយកម្លាំងងកងរាជអាវុធហត្ថស្រាវជ្រាវនិងឃាត់ខ្លួនជនសង្ស័យម្នាក់ នៅរសៀលថ្ងៃទី១៩ ខែមិថុនា ឆ្នាំ២០១៨ ពាក់ព័ន្ធករណីឃាតកម្ម កាលពីថ្ងៃទី១៨ ខែមិថុនា ឆ្នាំ២០១៨ វេលាម៉ោង០២និង៣០នាទី រំលងអាធ្រាត្រ នៅចំណុចភោជនីយដ្ឋានស៊ីឡាយ ស្ថិតក្នុងភូមិបាវិតកណ្តាល សង្កាត់បាវិត ក្រុងបាវិត ខេត្តស្វាយរៀង។
មន្ត្រីនគរបាលខេត្តស្វាយរៀងបានឲ្យដឹងថាជនសង្ស័យឈ្មោះ សៀម ឆៃដែន ភេទប្រុស អាយុ១៨ឆ្នាំ មុខរបរមិនពិតប្រាកដ មានស្រុកកំណើតនៅខេត្តកំពង់ចាម។ ជនសង្ស័យត្រូវបានកម្លាំងជំនាញឃាត់ខ្លួននៅក្នុងបន្ទប់បុគ្គលិកាស៊ីណូ ហ្គោដឡាក់ ស្ថិតក្នុងបាវិតកណ្តាល សង្កាត់បាវិត ក្រុងបាវិត ខេត្តស្វាយរៀង។នៅមុខសមត្ថកិច្ចជនសង្ស័យបានឆ្លើយសារភាពថាមូលហេតុដែលនាំឲ្យមានឃាតកម្មនេះឡើងគឺដោយសារទំនាស់គ្នាដណ្តើមកន្លែងដេក។
បច្ចុប្បន្នជនសង្ស័យត្រូវបានបញ្ជូន ខ្លួនទៅទីបញ្ជាការកងរាជអាវុធហត្ថខេត្តស្វាយរៀងដើម្បីធ្វើការ សាកសួរ និងកសាងសំណុំរឿងចាត់ការតាមច្បាប់ ៕
ចំនួនអ្នកទស្សនា
- ថ្ងៃនេះ6891
- ម្សិលមិញ9421
- សប្តាហ៍នេះ62551
- ខែនេះ177701
- ឆ្នាំនេះ177701
- សរុប20620157