កម្លាំងនគរបាលខេត្តព្រះសីហនុបានឃាត់ខ្លួនជនសង្ស័យ៣នាក់ ពីបទហិង្សាដោយចេតនា
21-June-2018 | ដោយ ពលមនសិការ
ព្រះសីហនុ៖ កម្លាំងនគរបាលខេត្តព្រះសីហនុបានឃាត់ខ្លួនជនសង្ស័យ៣នាក់ ពីបទហិង្សាដោយចេតនា។ ជនសង្ស័យត្រូវបានកម្លាំងនគរបាលឃាត់ខ្លួននៅថ្ងៃទី២១ ខែមិថុនា ឆ្នាំ២០១៨ វេលាម៉ោង២និង៣០នាទីយប់ នៅក្រុមទី១០ ភូមិ១ សង្កាត់១ ក្រុង-ខេត្តព្រះសីហុ។
លោកឧត្តមសេនីយ៍ទោ ជួន ណារិន្ទ ស្នងការនគរបាលខេត្តព្រះសីហនុបានឱ្យដឹងថាជនសង្ស័យទី១-ឈ្មោះ ម៉ែន សុខហុង ភេទប្រុស អាយុ១៨ឆ្នាំ មុខរបរមិនពិតប្រាកដ បច្ចុប្បន្នស្នាក់នៅបន្ទប់ជួលក្រុមទី១៦ ភូមិ១ សង្កាត់១ ក្រុង-ខេត្តព្រះសីហនុ ជនដៃដល់ជាអ្នកកាប់។ ទី២-ឈ្មោះ ភាព វ៉ាន់ឆៃ ហៅញ៉ាញ់ ភេទប្រស អាយុ១៨ឆ្នាំ មុខរបរជាងម៉ាស៊ីនត្រជាក់ បច្ចុប្បន្នរស់នៅក្រុមទី១៦ ភូមិ១ សង្កាត់១ ក្រុង-ខេត្តព្រះសីហនុ ម្ចាស់កាំបិតជាអ្នកសមគំនិត និងជាអ្នកដើមហេតុបង្ករឿង។ និងទី៣-ឈ្មោះ សៀង ដូ ហៅពៅ ភេទប្រុស អាយុ១៩ឆ្នាំ មុខរបរជាងជួសជុលម៉ាស៊ីនត្រជាក់ បច្ចុប្បន្នរស់នៅក្រុមទី២០ ភូមិ១ សង្កាត់១ ក្រុងព្រះសីហនុ សមគំនិត ជាអ្នកបើកម៉ូតូ។
ជនរងគ្រោះឈ្មោះ ឡូង ផារី ភេទប្រុស អាយុ៣៤ឆ្នាំ មុខរបរសន្តិសុខ នៅហាងខារ៉ាអូខេ នគរសំរិត មានទីនៅក្រុមទី២០ ភូមិ១ សង្កាត់លេខ១ ក្រុង-ខេត្តព្រះសីហនុ បានរងរបួសត្រង់ក្បាល, ត្រចៀកខាងឆ្វេង បច្ចុប្បន្នបានបញ្ជូនទៅសង្គ្រោះនៅមន្ទីរពេទ្យ នៃរាជធានីភ្នំពេញ។
វត្ថុតាងចាប់យកបានៈ ១-ម៉ូតូម៉ាកស្មាស់ មួយគ្រឿង ពណ៌ខ្មៅលាយក្រហម គ្មានស្លាកលេខ (មធ្យោបាយធ្វើសកម្មភាព), ២-កាំបិតប៉័ងតោ ដងដែកមួយ (អាវុធធ្វើសក្មភាព)។
មូលហេតុៈ ជនរងគ្រោះតាមរករឿងជនសង្ស័យ ដោយជនសង្ស័យបានដឹកប្រពន្ធជនរងគ្រោះដើររកស្រីកំណាន់ របស់ជនរងគ្រោះ ។ បច្ចុប្បន្នជនសង្ស័យទាំង៣នាក់ ខាងលើ ត្រូវបានកម្លាំងជំនាញកំពុងចាត់ការតាមនីតិវិធី ៕
ចំនួនអ្នកទស្សនា
- ថ្ងៃនេះ6741
- ម្សិលមិញ9421
- សប្តាហ៍នេះ62401
- ខែនេះ177551
- ឆ្នាំនេះ177551
- សរុប20620007