រថយន្តរបស់អង្គការសង្គ្រោះកុមារជួបគ្រោះថ្នាក់ចរាចរណ៍បណ្តាលឱ្យស្លាប់៣នាក់ របួសធ្ងន់ស្រាល១១នាក់
22-June-2018 | ដោយ ពលមនសិការ
តាកែវ៖ នៅថ្ងៃទី២២ ខែមិថុនា ឆ្នាំ២០១៨ លោកឧត្តមសេនីយ៍ទោ សុខ សំណាង ស្នងការនគរបាលខេត្តតាកែវបានឲ្យដឹងបឋមថាមានករណីគ្រោះថ្នាក់ចរាចរណ៍មួយបានកើតឡើង
នៅចន្លោះគីឡូម៉ែត្រ៨៥-៨៦ នៅភូមិគឹមសី ឃុំញ៉េងញ៉ង ស្រុកត្រាំកក់ ខេត្តតាកែវ។ ក្នុងឧបទ្ទវហេតុខាងលើបណ្តាលឲ្យស្លាប់មនុស្ស៣នាក់(ស្រី២នាក់)ក្នុងចំណោមអ្នកស្លាប់នោះមានជនជាតិអូស្ត្រាលីម្នាក់ របួសធ្ងន់៨នាក់ និងរបួសស្រាល ៣នាក់ ត្រូវបានកម្លាំងនគរបាលបញ្ជូនទៅសង្គ្រោះនៅមន្ទីរពេទ្យ។
លោកស្នងការបានបន្តថាមុនពេលកើតហេតុមានរថយន្តក្រុងដឹកភ្ញៀវទេសចរណ៍មួយគ្រឿងមានអ្នកដំណើរ១៥នាក់ចេញពីកែបឆ្លងកាត់កំពត ហើយមានទិសដៅមកភ្នំពេញបើកបរក្នុងល្បឿនលឿនពេលមកដល់កន្លែងកើតហេតុជាន់ហ្វ្រាំងមិនស៊ីក៏រេចង្កូតធ្លាក់ផ្លូវបុកដើមស្វាយ បណ្តាលឱ្យមានមនុស្សស្លាប់និងរបួសតែម្តង។
លោកស្នងការខេត្តបានបញ្ជាក់ថាជនរងគ្រោះទាំងអស់ជាបុគ្គលិកអង្គការសង្គ្រោះកុមារ មានអាស័យដ្ឋាននៅរាជធានីភ្នំពេញ។ ក្រោយកើតអ្នកបើកបររថយន្តបានរត់គេចខ្លួនបាត់ ៕
ចំនួនអ្នកទស្សនា
- ថ្ងៃនេះ4921
- ម្សិលមិញ9421
- សប្តាហ៍នេះ60581
- ខែនេះ175731
- ឆ្នាំនេះ175731
- សរុប20618187