ម៉ូតូបុកម៉ូតូបណ្តាលឲ្យស្លាប់ម្នាក់និងរបួសធ្ងន់ម្នាក់ នៅស្រុកពារាំង
25-June-2018 | ដោយ ពលមនសិការ
ព្រៃវែង៖មានករណីគ្រោះថ្នាក់ចរាចរណ៍មួយបានកើតឡើងរវាងម៉ូតូបុកជាមួយម៉ូតូបណ្តាលឲ្យស្លាប់ម្នាក់និងរបួសធ្ងន់ម្នាក់។ ឧបទ្ទវហេតុខាងលើបានកើតឡើងនៅថ្ងៃទី២៥ ខែមិថុនា ឆ្នាំ២០១៨ វេលាម៉ោង៨និង៥០នាទី លើផ្លូវជាតិលេខ៨ ចន្លោះ ចន្លោះគីឡូម៉ែត្រលេខ៥៣-៥៤ នៅភូមិវៃវេទ ឃុំរាប ស្រុកពារាំង។
មន្ត្រីនគរបាលមូលដ្ឋានបានឲ្យដឹងថាមុនពេលកើតហេតុមានម៉ូតូមួយគ្រឿង ម៉ាកC125 ពណ៌ខ្មៅ ពាក់ស្លាកលេខបន្ទាយមានជ័យ 1H-4031 បើកបរដោយឈ្មោះ ណាង និត ភេទប្រុស អាយុ៤២ឆ្នាំ នៅភូមិខ្នាឃុំព្រៃទឹង ស្រុកស៊ីធរកណ្តាល (មានពាក់មួកសុវត្ថិភាព) ធ្វើតំណើពីកើតទៅលិចមកដល់កន្លែងកើតហេតុ ម៉ូតូបានជ្រុលទៅបុកជាមួយម៉ូតូមួយគ្រឿងទៀតម៉ាកវ៉េវ ពណ៌ខ្មៅ ពាក់ស្លាលេខ ភ្នំពេញ 1J-7781 បើកបរដោយឈ្មោះ ឡុញ លាប ភេទប្រុស អាយុ 53ឆ្នាំ នៅភូមិ វៃវេទ ឃុំរាប ស្រុកពារាំង (គ្មានមួកសុវត្ថិភាព) ដែលកំពុងធ្វើតំណើរឆ្លងកាត់ទទឹងថ្នល់ ពីជើងទៅត្បូង។បណ្តាលឲ្យអ្នកបើកបរម៉ូតូ វ៉េវ ឈ្មោះ ឡុញ លាបស្លាប់។ ចំណែកអ្នកបើកបរម៉ូតូ C125 ឈ្មោះ ណាង និត រងរបួស បញ្ជូនមកមន្ទីរពេទ្យស្រុកពារាំង។
បច្ចុប្បន្នសាកសព បានប្រគល់ជូនក្រុមគ្រួសារយកទៅធ្វើបុណ្យតាមប្រពៃណី។ វត្ថុតាងសមត្ថកិច្ចយកមករក្សាទុកនៅអធិការដ្ឋាននគរបាលស្រុក ដើម្បីបំពេញសំណុំរឿងតាមនីតិវិធី ៕
ចំនួនអ្នកទស្សនា
- ថ្ងៃនេះ3271
- ម្សិលមិញ9421
- សប្តាហ៍នេះ58931
- ខែនេះ174081
- ឆ្នាំនេះ174081
- សរុប20616537