អគ្គិភ័យឆាបឆេះផ្ទះល្វែងផ្អែលទាំងព្រឹកនៅសែនសុខសង្ស័យជនជាតិបរទេសលួចដុតរួចទៅបាត់
27-June-2018 | ដោយ ពលមនសិការ
ភ្នំពេញ៖ផ្ទះល្វែងមួយកន្លែងត្រូវបានអគ្គីភ័យឆាបឆេះបណ្តាលអោយរបស់របរក្នុងផ្ទះរងការខូចខាតទាំងស្រុង ខណៈពេល អ្នកជួលជាជនជាតិអូស្ត្រាលីចប់កិច្ចសន្យាជួលហើយបិតទ្វារចាក់សោចេញផុតបានប្រមាណ៥នាទី។ ទាក់ទិនការកើតមានអគ្គិភ័យ នេះគេមានការសង្ស័យ ថាជនជាតិបរទេសរូបនោះលួចដុត។
ហេតុការណ៍អគ្គិភ័យ នេះបង្កអោយមានការភ្ញាក់ផ្អើលកាលពីវេលាម៉ោង៦និង៣០នាទីព្រឹក ថ្ងៃទី២៧ ខែមិថុនា ឆ្នាំ២០១៨ ស្ថិតនៅផ្ទះលេខ៥៤អ៊ី ក្នុងភូមិក្រាំងអង្ក្រង សង្កាត់ក្រាំងធ្លង់ខណ្ឌសែនសុខ។
តាមប្រភពពីប្រជាពលរដ្ឋនៅកន្លែងកើតហេតុ បានឲ្យដឹងថា ផ្ទះដែលត្រូវភ្លើង ឆេះនោះត្រូវម្ចាស់ផ្ទះបានជួលឲ្យទៅជនជាតិអូស្ត្រាលី បើកធ្វើ កែច្នៃ គ្រឿងកំប៉ុងស្រាបៀរ និងចាក់ពុម្ភ ហើយត្រូវបានចប់កុងត្រានៅក្នុងចុងខែនេះតែម្តង។បន្ទាប់ពីម្ចាស់ ឈប់បន្តឲ្យជួល តម្រូវឲ្យអ្នកជួល ជាជនជាតិបរទេសរូបនោះ រើឥវ៉ាន់ សម្ភារៈ ចាកចេញ ។
តាមព័ត៌មានបានបន្តទៀតថា នៅមុនពេលកើតហេតុ ក្រោយពីជនជាតិអូស្ត្រាលីរូបនោះ រើឥវ៉ាន់ មួយចំនួនជិះម៉ូតូចាកចេញ បានប្រមាណ៥នាទី ស្រាប់តែគេឮសូរសម្លេងផ្ទុះ និងភាយក្លិនសាំងក្រអូប រួចឆាបឆេះផ្សែងហុយទ្រលោមចេញមកក្រៅបង្កអោយមានការភ្ញាក់ផ្អើលតែម្តង។
តាមព័ត៌មានអោយដឹងថា ភ្លាមៗ ប្រជាពលរដ្ឋ និងសមត្ថកិច្ចក៍បានហៅរថយន្តពន្លត់អគ្គីភ័យ មួយគ្រឿង ទីអន្តរាគមន៍និងនាំគ្នា ជួយ គាស់ ទ្វារ ដើម្បីបាញ់ទឹក ព្រមទាំងយកបំពង់ពន្លត់អគ្គីភ័យមកបាញ់ពន្លត់ភ្លើងទាន់ពេលពុំបណ្តាលអោយឆេះរាលដាល់ឡើយ។
តាមនគរបានបានអោយដឹងថា សម្ភារៈក្នុងផ្ទះមួយចំណួន បានរងការខូចខាត ហើយសមត្ថកិច្ច បានរកឃើញធុងហ្គាសចំនួន៤ធុង និងប៊ីដុងសាំងក្រអូបចំនួន ហើយសមត្ថកិច្ចនិងប្រជាពលរដ្ឋមានការសង្ស័យថា ជនបរទេសរូបនោះ ជាអ្នកដុត ហើយចាកចេញទៅបាត់ ៕
ចំនួនអ្នកទស្សនា
- ថ្ងៃនេះ3551
- ម្សិលមិញ9421
- សប្តាហ៍នេះ59211
- ខែនេះ174361
- ឆ្នាំនេះ174361
- សរុប20616817