ស្លាប់៤នាក់របួស៥នាក់ នៅស្រុកពួក ករណីរថយន្តឆ្លាមរេចង្កូតទៅបុកម៉ូតូ
27-June-2018 | ដោយ ពលមនសិការ
សៀមរាប៖មនុស្ស៤នាក់បានស្លាប់ភ្លាមៗនិង៥នាក់ផ្សេងទៀតបានរងរបួសក្នុងករណីគ្រោះថ្នាក់ចរាចរណ៍រវាងរថយន្តបុកជាមួយម៉ូតូ។ ឧបទ្ទវហេតុខាងលើបានកើតឡើងនៅវេលាម៉ោង៩និង៤០នាទីថ្ងៃទី២៧ ខែមិថុនា ឆ្នាំ២០១៨ស្ថិតនៅចំណុចផ្លូវជាតិលេខ៦ ក្នុងភូមិដំណាក់ស្លាញ ឃុំសសរស្តម្ភ ស្រុកពួក ខេត្តសៀមរាប។
លោកវរសេនីយ៍ឯក ទេព ពុំសែន អធិការនគរបាលស្រុកពួក បានឲ្យដឹងថាមុនពេលកើតហេតុមានរថយន្តCamryមួយគ្រឿង ពណ៌ស្លូញ ពាក់ស្លាកលេខ ភ្នំពេញ 2Q-0932 បើកបរដោយមិនស្គាល់អត្តសញ្ញាណបើកពីលិចទៅកើតដឹកអ្នកដំណើរ៤នាក់ បានបុកម៉ូតូC125 ពណ៌ខ្មៅ គ្មានស្លាកលេខ បើកបរដោយឈ្មោះ សុន សែន ភេទប្រុស អាយុ៣៤ឆ្នាំ មុខរបរធ្វើស្រែ ស្នាក់នៅភូមិច្រនៀង ឃុំព្រៃជ្រូក ស្រុកពួក បើកពីកើតទៅលិចដឹកប្រពន្ធនិងកូន២នាក់។ បណ្តាលឲ្យស្លាប់អ្នកម៉ូតូ៤នាក់របួសស្រាល៥នាក់។ ខូចខាតរថយន្ត១ ធ្លាក់ស្នាមភ្លោះខូចខាតម៉ូតូ១។
ក្រោយពេលកើតហេតុកម្លាំងជំនាញបានចុះវាស់វែងកន្លែងកើតហេតុកសាងសំណុំរឿង និងវត្ថុតាងពាក់ព័ន្ធរក្សាទុកនៅអធិការដ្ឋាននគរបាលស្រុកពួក ដើម្បីចាត់ការតាមផ្លូវច្បាប់។ចំណែកសាកសពជនរងគ្រោះត្រូវបានប្រគល់ជូនក្រុមគ្រួសារដើម្បីធ្វើបុណ្យតាមប្រពៃណី ៕
ចំនួនអ្នកទស្សនា
- ថ្ងៃនេះ3881
- ម្សិលមិញ9421
- សប្តាហ៍នេះ59541
- ខែនេះ174691
- ឆ្នាំនេះ174691
- សរុប20617147