នគរបាលខេត្តបាត់ដំបងចាប់ខ្លួនមុខសញ្ញាជួញដូរគ្រឿងញៀន ២នាក់ នៅស្រុកមោងឫស្សី
27-June-2018 | ដោយ ពលមនសិការ
បាត់ដំបង៖មុខសញ្ញាជួញដូរដោយខុសច្បាប់នូវសារធាតុញៀនចំនួន២នាក់ត្រូវបានកម្លាំងការិយាល័យប្រឆាំងគ្រឿងញៀន សហការជាមួយកម្លាំងក្រុមអន្តរាគមន៍ប្រឆាំងបទល្មើស នៃស្នងការដ្ឋាននគរបាលខេត្តបាត់ដំបងបង្ក្រាបជាក់ស្តែងកាលពីថ្ងៃទី២៦ ខែមិថុនា ឆ្នាំ២០១៨ វេលាម៉ោង១០និង២០នាទី នៅចំណុចក្រុមទី៣ ភូមិព្រៃដំរី ឃុំព្រៃតូច ស្រុកមោងឫស្សី ខេត្តបាត់ដំបង។
លោកវរសេនីយ៍ទោ ស៊ាន សុណាល់ នាយការិយាល័យប្រឆាំងគ្រឿងញៀនខេត្តបាត់ដំបងបានឲ្យដឹងថាក្នុងប្រតិបត្តិការខាងលើបានឃាត់ខ្លួនជនសង្ស័យ២នាក់រួមមានទី១-ឈ្មោះ មឿន សេងអ៊ូ ហៅសារ៉ាត ភេទប្រុស អាយុ៣៣ឆ្នាំ មានទីលំនៅភូមិទី៦ ឃុំស្វាយឃ្លាំង ស្រុកក្រូចឆ្នារ ខេត្តក្រចេះ និងជនសង្ស័យទី២-ឈ្មោះ ឡេង តេងឡុង ភេទប្រុស អាយុ៣៣ឆ្នាំ មានទីលំនៅភូមិត្រពាំងថ្លឹង សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ។
វត្ថុតាងដកហូតៈថ្នាំញៀនប្រភេទមេតំហ្វេតាមីន(ម៉ាទឹកកកICE) ចំនួន១១ថង់ ទម្ងន់១១២,៩៤ក្រាម ទាំងសម្បក, រថយន្តមួយគ្រឿងម៉ាក លុចស៊ីស RX300 ពណ៌ស ផលិតឆ្នាំ២០០០ ពាក់ស្លាកលេខ ភ្នំពេញ 2S-7747 , អាវុធ ខ្លីមួយដើម ម៉ាករ៉ូឡូ ៦អ៊ីង លេខ708791 និងគ្រាប់១២គ្រាប់, កូនជញ្ជីងអេឡិចត្រូនិចសម្រាប់ថ្លឹងថ្នាំ្នញៀនមួយ, កាបូបដាក់លុយ២។
បច្ចុប្បន្នជនសង្ស័យរួមជាមួយវត្ថុតាងកម្លាំងជំនាញកំពុងកសាងសំណុំរឿងបញ្ជូនទៅតុលាការដើម្បីចាត់ការតាមផ្លូវច្បាប់ ៕
ចំនួនអ្នកទស្សនា
- ថ្ងៃនេះ3471
- ម្សិលមិញ9421
- សប្តាហ៍នេះ59131
- ខែនេះ174281
- ឆ្នាំនេះ174281
- សរុប20616737