មុខសញ្ញាជួញដូរគ្រឿងញៀន៤នាក់ ត្រូវបានសមត្ថកិច្ចខណ្ឌមានជ័យឃាត់ខ្លួនជាក់ស្តែង
28-June-2018 | ដោយ ពលមនសិការ
ភ្នំពេញ៖កាលពីថ្ងៃទី២៧ ខែមិថុនា ឆ្នាំ២០១៨ វេលាម៉ោង១៧និង៣០នាទី កម្លាំងនគរបាលប៉ុស្តិ៍ចាក់អង្រែលើ បានសហការជាមួយកម្លាំងសាលាសង្កាត់ចាក់អង្រែលើចុះត្រួតពិនិត្យរដ្ឋបាលនៅតំបន់សំណង់មិនរៀបរយក្នុងសង្កាត់ចាក់អង្រែលើ ហើយពេលមកដល់ចំណុចផ្ទះខ្ទម ផ្លូវ៦០ម៉ែត្រ ក្រុមទី០៨ ភូមិ ព្រែកតាគង់ សង្កាត់ ចាក់អង្រែលើ ខណ្ឌ មានជ័យ រាជធានីភ្នំពេញ បានឃាត់ខ្លួនជនសង្ស័យចំនួន ០៤ នាក់ពីបទ ជួញដូរដោយខុសច្បាប់នូវសារធាតុញៀន។
មន្ត្រីនគរបាលមូលដ្ឋានបានឲ្យដឹងថាជនសង្ស័យទី១-ឈ្មោះ ឡេ សុខចាន់ ភេទប្រុស អាយុ៣២ឆ្នាំ ជនជាតិខ្មែរ មុខរបរ រើសអេតចាយ ទីលំនៅផ្ទះខ្ទម ផ្លូវ៦០ម៉ែត្រ ក្រុមទី០៨ ភូមិព្រែកតាគង់ សង្កាត់ចាក់អង្រែលើ ខណ្ឌមានជ័យ រាជធានីភ្នំពេញ, ទី២-ឈ្មោះ ពេញ កាណាន់ ភេទប្រុស អាយុ១៩ឆ្នាំ ជនជាតិខ្មែរមុខរបរ មិនពិតប្រាកដ ទីលំនៅផ្ទះជួល ផ្លូវលំ ភូមិតាខ្មៅ សង្កាត់តាខ្មៅ ក្រុងតាខ្មៅ ខេត្តកណ្តាល, ទី៣-ឈ្មោះ គូ សុខរុំ ភេទប្រុស អាយុ១៩ឆ្នាំ ជនជាតិខ្មែរ មុខរបរមិនពិតប្រាកដ ទីលំនៅផ្ទះខ្ទម ផ្លូវ៦០ម៉ែត្រ ក្រុមទី០៨ ភូមិ ព្រែកតាគង់ សង្កាត់ចាក់អង្រែលើ ខណ្ឌមានជ័យ រាជធានីភ្នំពេញ និងទី៤-ឈ្មោះ គឹម លាងហេង ភេទប្រុស អាយុ១៨ឆ្នាំ ជនជាតិខ្មែរមុខរបរ មិនពិតប្រាកដ ទីលំនៅផ្ទះគ្មានលេខ ផ្លូវ៦០ម៉ែត្រ ក្រុមទី០៨ ភូមិព្រែកតាគង់ សង្កាត់ ចាក់អង្រែលើ ខណ្ឌមានជ័យ រាជធានីភ្នំពេញ ។
វត្ថុតាងដកហូតបានរួមមានៈក្រាមពណ៌សថ្លា (សង្ស័យជាគ្រឿងញៀន) ចំនួន ១៣ កញ្ចប់ថង់ (កញ្ចប់ធំ០៣,កញ្ចប់តូច១១) និង ឧបករណ៍សម្រាប់ប្រើប្រាស់គ្រឿងញៀនមួយចំនួន។
បច្ចុប្បន្នជនសង្ស័យទាំង០៤នាក់ខាងលើ ឃាត់ខ្លួននៅអធិការដ្ឋាននគរបាលខណ្ឌមានជ័យ ដើម្បីកសាងសំណុំរឿងចាត់តាមនីតិវិធី ៕
ចំនួនអ្នកទស្សនា
- ថ្ងៃនេះ3211
- ម្សិលមិញ9421
- សប្តាហ៍នេះ58871
- ខែនេះ174021
- ឆ្នាំនេះ174021
- សរុប20616477