នគរបាលឃាត់ខ្លួន ជនបរទេស២នាក់ប្តីប្រពន្ធ ករណីបង្ករភាពរញ៉េរញ៉ៃ ស្រែកឡូឡារ
29-June-2018 | ដោយ ពលមនសិការ
ភ្នំពេញ៖នៅថ្ងៃសុក្រ ២រោច ខែបឋមាសាឍ ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី២៩ ខែមិថុនា ឆ្នាំ២០១៨ វេលាម៉ោង១០និង៣០នាទី កម្លាំងការិយាល័យស៊ើបអង្កេតនិងអនុវត្តនីតិវិធី នៃស្នងការដ្ឋាននគរបាលរាជធានីភ្នំពេញ សហការជាមួយកម្លាំងសមត្ថកិច្ចមូលដ្ឋាន ខណ្ឌចំការមន និងប៉ុស្តិ៍នគរបាលរដ្ឋបាលទន្លេបាសាក់ យោងតាមពាក្យបណ្ដឹងរបស់ម្ចាស់មានទីលំនៅផ្ទះលេខ១៧៧ ផ្លូវសុធារស ភូមិ៨ សង្កាត់ទន្លេបាសាក់ ខណ្ឌចំការមន រាជធានីភ្នំពេញ បានដាក់ពាក្យបណ្ដឹងទៅលើ ប្ដីឈ្មោះ ROBERT EDWARD SHEARE JR ភេទប្រុស អាយុ៤៤ឆ្នាំ ជាជនជាតិអាមេរិក និងប្រពន្ធឈ្មោះ ROSABELLA BELTRAN ភេទស្រី អាយុ៣៦ឆ្នាំ ជាជាតិហ្វីលីពីន ករណីបង្ករភាពរញ៉េរញ៉ៃ ស្រែកឡូឡារ រំខានដល់ប្រជាពលរដ្ឋនៅម្ដុំនោះ។
លោកវរសេនីយ៍ទោ ជា ចិត្រា នាយការិយាល័យស៊ើបអង្កេតនិងអនុវត្តនីតិវិធីនៃស្នងការដ្ឋាននគរបាលរាជធានីភ្នំពេញបានឲ្យដឹងថាបន្ទាប់ពីកម្លាំងការិយាល័យបានត្រួតពិនិត្យឯកសារ ឃើញថាជននេះគ្មាលិខិតឆ្លងដែន។ ត្រូវបានឃាត់ខ្លួនបញ្ជូនទៅអគ្គនាយកដ្ឋានអន្តោប្រវេសន៍ដើម្បីអនុវត្តនីតិវិធីបន្តនៃច្បាប់ ៕
ចំនួនអ្នកទស្សនា
- ថ្ងៃនេះ3691
- ម្សិលមិញ9421
- សប្តាហ៍នេះ59351
- ខែនេះ174501
- ឆ្នាំនេះ174501
- សរុប20616957