មុខសញ្ញាជួញដូរគ្រឿងញៀនឆ្លងដែនម្នាក់ ត្រូវនគរបាលជំនាញ\"ក៩\"មន្ទីរប្រឆាំងគ្រឿងញៀនចាប់ខ្លួន
29-June-2018 | ដោយ ពលមនសិការ
ស្ទឹងត្រែង៖កម្លាំងនគរបាលជំនាញ"ក៩"មន្ទីរប្រឆាំងគ្រឿងញៀននៃអគ្គស្នងការនគរបាលជាតិសហការជាមួយកម្លាំងនគរបាលខេត្តស្ទឹងត្រែងបានបង្ក្រាបករណីជួញដូរគ្រឿងញៀនញៀនឆ្លងដែនមួយករណីដោយឃាត់ខ្លួនជនសង្ស័យម្នាក់។ ប្រតិបត្តិការខាងលើបានធ្វើឡើងនៅរសៀលថ្ងៃទី២៩ ខែមិថុនា ឆ្នាំ២០១៨ នៅចំណុចផ្លូវលំ ភូមិខាំផាន់ សង្កាត់សាមគ្គី ក្រុងស្ទឹងត្រែង ខេត្តស្ទឹងត្រែង។
យោងតាមរបាយការណ៍មន្ទីរ"ក៩"បានឲ្យដឹងថាជនសង្ស័យឈ្មោះ ថង លួតប៉ាសឺត អាយុ៥០ឆ្នាំ ភេទប្រុស ជនជាតិឡាវ ទីលំនៅកំណើត ភូមិហួយងិន ស្រុកចំប៉ាសាក់ ខេត្តចំប៉ាសាក់។
វត្ថុតាងដកហូតរួមមានៈសារធាតុញៀនប្រភេទម៉េតំហ្វេតាមីន ០៣កញ្ចប់ធំ ប្រមាណ០៣គីឡូ និងទូរស័ព្ទ មួយគ្រឿង ប្រើប្រាស់លេខ ០២០២៨៣៣៣៣៨៦។
ប្រភពដដែលបន្តថាក្រោយការបង្ក្រាបកម្លាំងមន្ទីរ"ក៩"និងកម្លាំងBLOដោយសហការជាមួយកម្លាំងនគរបាលឡាវ បន្តឃាត់ខ្លួនមេក្លោង ឈ្មោះ ចាវ ពែន ភេទប្រុស អាយុ៣១ឆ្នាំ ជនជាតិ ឡាវ មានទីលំនៅ ភូមិ ចាប់សាន់ខាខន ស្រុកប៉ាក់សេ ខេត្តចំប៉ាសាក់ និងដកហូតបានរថយន្ត ០២គ្រឿង ដោយសមត្ថកិច្ចឡាវ មិនប្រគល់ឱ្យយើងទេ ៕
ចំនួនអ្នកទស្សនា
- ថ្ងៃនេះ3561
- ម្សិលមិញ9421
- សប្តាហ៍នេះ59221
- ខែនេះ174371
- ឆ្នាំនេះ174371
- សរុប20616827