កំពង់ស្ពឺ​៖​នៅ​រសៀល​ថៃ្ង​ពុធ ៧​រោជ ខែ​បឋមាសាឍ ឆ្នាំច សំរឹទ្ធិស័ក ពស​២៥៦២ ត្រូវ​នឹង​ថៃ្ង​ទី​៤ ខែកក្កដា ឆ្នាំ​២០១៨ ស្នងការដ្ឋាន​នគរបាល​ខេត្ដ​កំពង់ស្ពឺ មាន​បើក​កិច្ចប្រជុំ​ត្រួតពិនិត្យ​បែងចែក​កម្លាំង​ប្រចាំការ ត្រៀម​អន្ដរាគមន៍ ក្រោម​អធិបតីភាព លោក​ឧត្ដមសេនីយ៍ទោ សម សាមួន ស្នងការ​នគរបាល​ខេត្ដ និង​មានការ​អ​ញ្ញើញ​ចូលរួម​ពី លោក លោកស្រី ស្នងការរង លោកនាយ​ការិយាល័យ​ជំនាញ លោក​អធិការនគរបាល​ក្រុង ស្រុក ទាំង​៨ បន្ទាប់ពី​លោក​ឧត្ដមសេនីយ៍ត្រី អៀង អុល ស្នងការរង​ទទួល​ផែន​ធនធានមនុស្ស បានធ្វើ​របាយការណ៍ ការបែងចែក​និង​រាយការណ៍​អំពី​កម្លាំង​តាម​ផែន​នីមួយៗ​ជូន​អង្គប្រជុំ​រួចមក លោក​ស្នង ការ មានប្រសាសន៍ និង​បានធ្វើការ​កត់សម្គាល់​លើ​ចំណុច​មួយចំនួន អំពី​វិធានការ​ពង្រឹងកម្លាំង​ប្រចាំការ នៅតាម​អង្គភាព ចំណុះ​ស្នងការដ្ឋាន អធិការដ្ឋាន ត្រូវ​មានការ​ប្រជុំជួរ​ទៀងទាត់ ត្រួតពិនិត្យ​រាល់​សម្ភារៈ ឧបករណ៍ មធ្យោបាយ​គ្រឿង​បំពាក់​លើសពីនោះ​ត្រូវ​បង្កើន​ការហ្វឹកហាត់​រំលឹក​មេរៀន​ដល់​កងកម្លាំង​អំពី​យុទ្ធវិធី យុត្ដិសាស្ដ្រ កិច្ច​អន្ដរាគមន៍​ត្រៀមលក្ខណៈ​សម្បត្តិ បង្ការ ទប់ស្កាត់ ការបង្ក​ចលាចល ការប៉ុនប៉ង​ធ្វើបាតុកម្ម កុប្បកម្ម ខុសច្បាប់ ក្នុងពេល​ចាំបាច់​ណាមួយ បន្ថែម​ពីនេះ លោកស្នងការ​បាន​ដាស់តឿន​ក្រើនរំលឹក​ដល់​បណ្ដា អស់លោក ជា​ប្រធាន​សា​ម៉ី​អង្គភាព​ជំនាញ​ត្រូវ​បន្ដ ផ្សព្វផ្សាយ​អំពី​សភាពការណ៍​ថ្មីៗ​មួយចំនួន​ជូន​ដល់​មន្ដ្រីក្រោមឱវាទ​ឲ្យ​បាន​យល់​ជ្រួតជ្រាប​ច្បាស់​និង​ត្រូវ​ស្មោះត្រង់​ក្នុងតួនាទី ភារកិច្ច​ចំពោះ​កាតព្វកិច្ច ចូលរួម​ថែរក្សា​សន្ដិសុខ សណ្តាប់ធ្នាប់​សង្គម ពិសេស​ការពារ​ដាច់ខាត​រាជរដ្ឋាភិបាល ធានាបាន​ស្ថេរភាព សន្ដិភាព ជូន​ប្រជាពលរដ្ឋ​ក្នុង​ដំណាក់​ប្រទេស​កម្ពុជា​កំពុងតែ​រៀបចំ​ដំណើរការ បោះឆ្នោត​ជ្រើសតាំង​តំណាងរាស្ដ្រ នីតិកាល​ទី​៦ ដែល​នឹង​ប្រ​ព្រឹ​ត្ដទៅ​នា​ថៃ្ង​ទី​២៩ កក្កដា ២០១៨ ឲ្យ​មាន​ភាពរលូន និង​អនុវត្ត​គោរព​បាន​តាម​គោលការណ៍ របប​ប្រជាធិបតេយ្យ សេរី​ពហុបក្ស និង​នីតិរដ្ឋ ៕​