កម្លាំងកងរាជអាវុធហត្ថខេត្តបន្ទាយមានជ័យ បញ្ជូនក្មេងទំនើង៨នាក់ទៅតុលាការដើម្បីចាត់ការតាមផ្លូវច្បាប់
05-July-2018 | ដោយ ពលមនសិការ
បន្ទាយមានជ័យ៖កម្លាំងកងរាជអាវុធហត្ថខេត្តបន្ទាយមានជ័យបានបញ្ជូនក្រុមក្មេងទំនើង៨នាក់ទៅសាលាដំបូងខេត្តដើម្បីចាត់ការតាមនីតិវិធី ពាក់ព័ន្ធករណីស្ទាក់វាយគម្រាមទាលុយបង្កអសន្តិសុខ នៅថ្ងៃទី០៥ ខែកក្កដា ឆ្នាំ២០១៨។
លោកវរសេនីយ៍ត្រី នួន នីណារ៉ូ មេបញ្ជាការកងរាជអាវុធហត្ថក្រុងប៉ោយប៉ែតឱ្យដឹងថាជនសង្ស័យជាយុវជនទាំង៨នាក់ រួមមានទី១.ឈ្មោះ ហៀង សុវ៉ៃ អាយុ២៥ឆ្នាំ, ទី២.ឈ្មោះ ឌឿន ភីលីព អាយុ២៣ឆ្នាំ, ទី៣.ឈ្មោះ ហ៊ាន សោមឆាយ អាយុ១៩ឆ្នាំ, ទី៤.ឈ្មោះ ប៊ុន សាម៉ែតហាន អាយុ១៩ឆ្នាំ, ទី៥.ឈ្មោះ សរ ឧត្តម អាយុ១៨ឆ្នាំ, ទី៦.ឈ្មោះ សួស ចាន់រ៉ូស្សា អាយុ១៥ឆ្នាំ, ទី៧.ឈ្មោះ ចិន រស្មី អាយុ១៩ឆ្នាំ និងទី៨.ឈ្មោះ ឡេង វណ្ណឌី អាយុ១៨ឆ្នាំ ជនសង្ស័យស្នាក់នៅសង្កាត់ផ្សារកណ្តាលក្រុងប៉ោយប៉ែត។
លោកវរសេនីយ៍ឯក ម៉ែន ភិរម្យ មេបញ្ជាការរងកងរាជអាវុធហត្ថខេត្តបន្ទាយមានជ័យឱ្យដឹងថាក្រោយពេលទទួលពាក្យបណ្តឹងជនរងគ្រោះចំនួន៣នាក់ ទី១.ឈ្មោះ ភឿ ដេត អាយុ១៨ឆ្នាំ ទី២.ឈ្មោះ ឈឿម ឆុង ហៅម៉ាប់ អាយុ១៩ឆ្នាំ និងទី៣.ឈ្មោះ វណ្ណ មុន្នីម៉ក់ អាយុ១៨ឆ្នាំ រស់នៅក្រុងសិរីសោភ័ណកាលពីយប់ថ្ងៃទី០១ ខែកក្កដា ឆ្នាំ២០១៨ នៅចំណុចផ្លូវបំបែកមុខវត្តផ្សារកណ្តាលមានក្មេងទំនើង១ក្រុមបានស្ទាក់យកដំថ្មគប់ទៅជនរងគ្រោះហើយឈប់វាយគម្រាមប្លន់យកទ្រព្យសម្បត្តិរបស់ជនរងគ្រោះ។
លោកបានបន្តថាក្រោយពីទទួលពាក្យបណ្តឹងភ្លាមកម្លាំងបានស្រាវជ្រាវកំណត់មុខសញ្ញាឃាត់ជនសង្ស័យជាបន្តបន្ទាប់រហូតចាប់បានក្រុមក្មេងទំនើង៨នាក់និងវត្ថុតាងមានម៉ូតូ១គ្រឿងម៉ាកហុងដាឌ្រីម ពណ៌ខ្មៅ ផលិតឆ្នាំ២០១៦ និងដែលបំពង់ទីបនិងកូនសោរដោះសម្ភារៈម៉ូតូពីចាប់ពីថ្ងៃទី២ដល់៣ខែកក្តដាឆ្នាំ២០១៨ នៅផ្សារកណ្តាលក្រុងប៉ោយប៉ែត ៕
ចំនួនអ្នកទស្សនា
- ថ្ងៃនេះ2131
- ម្សិលមិញ9421
- សប្តាហ៍នេះ57791
- ខែនេះ172941
- ឆ្នាំនេះ172941
- សរុប20615397