បុរសម្នាក់ជិះម៉ូតូបុកគោយន្តកន្ត្រៃដឹកឈើ បណ្តាលឱ្យស្លាប់នៅស្រុកភ្នំក្រវាញ
09-July-2018 | ដោយ ពលមនសិការ
ពោធិ៍សាត់៖បុរសម្នាក់ជិះម៉ូតូតាមបណ្តោយផ្លូវជាតិលេខ៥៥ ទៅបុកគោយន្តកន្ត្រៃកំពុងធ្វើចរាចរណ៍ស្របទិសគ្នាបណ្តាលឱ្យស្លាប់ភ្លាមៗនៅហ្នឹងកន្លែង ឧបទ្ទវហេតុគ្រោះថ្នាក់នេះកើតឡើងនៅចំណុចភូមិព្រែក១ ឃុំសំរោង ស្រុកភ្នំក្រវាញ ខេត្តពោធិ៍សាត់ កាលពីវេលាម៉ោង៧និង០៩នាទីយប់ថ្ងៃទី៨ ខែកក្កដា ឆ្នាំ២០១៨ ។
សាក្សីនៅកន្លែងកើតហេតុបានឱ្យដឹងថា មុនពេលកើតហេតុមានគោយន្ត១គ្រឿងដឹកឈើធ្វើចរាចរណ៍លើផ្លូវជាតិលេខ៥៥ ក្នុងទិសដៅពីលិលដៅកើត មកដល់ចំណុចខាងលើ ស្រាប់មានបុរសម្នាក់ជិះម៉ូតូម៉ាកMSX ពណ៌ស គ្មានស្លាកលេខបើកបរដោយឈ្មោះ ខេញ សាយ័ន្ត ភេទប្រុស អាយុ២៨ឆ្នាំ រស់នៅភូមិគៀនកោះ១ ឃុំតាម៉ឺន ស្រុកថ្មគោល ខេត្តបាត់ដំបង បើកបរស្របទិសគ្នា បានបុកគោយន្តកំពុងធ្វើដំណើរ ពីក្រោយយ៉ាងពេញទំហឹង បណ្តាលឱ្យបុរសរងគ្រោះស្លាប់ភ្លាមៗនៅហ្នឹងកន្លែង។
ក្រោយកើតហេតុអ្នកបើកបរគោយន្តកន្ត្រៃបានរត់គេចខ្លួនបាត់ ដោយបន្សល់ទុកគោយន្តនៅកន្លែងកើតហេតុ ។ បន្ទាប់ពីកើតហេតុសមត្ថកិច្ចបានចុះដល់កន្លែងកើតហេតុប្រគល់សាកសពជនរងគ្រោះឱ្យក្រុមគ្រួសារយកទៅធ្វើបុណ្យនៅលំនៅដ្ឋានរបស់ខ្លួនតាមប្រពៃណី ចំពោះគោយន្តកន្ត្រៃសមត្ថកិច្ចបានយកមករក្សាទុកណោប៉ុស្តិ៍នគរបាលរដ្ឋបាលសំរោង ដើម្បីកសាងសំណុំរឿងតាមនិតិវិធី ៕
ចំនួនអ្នកទស្សនា
- ថ្ងៃនេះ1941
- ម្សិលមិញ9421
- សប្តាហ៍នេះ57601
- ខែនេះ172751
- ឆ្នាំនេះ172751
- សរុប20615207