ចាប់ខ្លួនមន្ត្រីនគរបាលការពារព្រំដែនលេខ៧៩៣ ពាក់ព័ន្ធករណីគម្រាមគំហែងទារប្រាក់តាមទូរស័ព្ទ
09-July-2018 | ដោយ ពលមនសិការ
ព្រះវិហារ៖ជនសង្ស័យម្នាក់ពាក់ព័ន្ធករណីគម្រាមគំហែងទារប្រាក់តាមទូរស័ព្ទ ត្រូវបានកម្លាំងនគរបាលការិយាល័យព្រហ្មទណ្ឌ សហការជាមួយកម្លាំងជំនាញនាយកដ្ឋាននគរបាលព្រហ្មទណ្ឌក្រសួងមហាផ្ទៃ ឃាត់ខ្លួនកាលពីថ្ងៃទី៧ ខែកក្កដា ឆ្នាំ២០១៨។ ជនសង្ស័យបានប្រព្រឹត្តបទល្មើសកាលពីថ្ងៃទី១ ខែកក្កដា ឆ្នាំ២០១៨ នៅចំណុចភូមិចាត់តាំង ឃុំ ទឹកក្រហម ស្រុកជាំក្សាន្ត ខេត្តព្រះវិហារ។
មន្ត្រីនគរបាលខេត្តព្រះវិហារបានឲ្យដឹងថាជនសង្ស័យឈ្មោះ អៀ ហុកលីម ភេទប្រុស អាយុ ៣៩ឆ្នាំ មុខរបរមន្ត្រីនគរបាលការពារព្រំដែនលេខ៧៩៣ មានទីលំនៅភូមិចាត់តាំង ឃុំទឹកក្រហម ស្រុកជាំក្សាន្ត ខេត្ត ព្រះវិហារ។
វត្ថុតាងដកហូតៈ ទូរស័ព្ទដៃចំនួនមួយគ្រឿង និងស៊ីមទូរស័ព្ទចំនួន០២ មានលេខ ០៩៧ ៤១៣ ៧០០២ និង០៩៧ ២២២ ៨០២០។
បច្ចុប្បន្នសមត្ថកិច្ចបានបញ្ជូនជនសង្ស័យមកកាន់ស្នងការដ្ឋាននគរបាលខេត្ត ដើម្បីសាកសួរបំភ្លឺនិងកសាងសំណុំរឿងតាមនីតិវិធីបញ្ជូនទៅសាលាដំបូងខេត្ត ចាត់ការតាមច្បាប់ ៕
ចំនួនអ្នកទស្សនា
- ថ្ងៃនេះ2481
- ម្សិលមិញ9421
- សប្តាហ៍នេះ58141
- ខែនេះ173291
- ឆ្នាំនេះ173291
- សរុប20615747