ជនបរទេសម្នាក់ស្លាប់ដោយសារ ជំងឺហើមសួត
10-July-2018 | ដោយ ពលមនសិការ
សៀមមរាប៖នៅវេលាម៉ោងប្រហែល១៨និង១០នាទី ថ្ងៃទី១០ ខែកក្កដា ឆ្នាំ២០១៨ នៅចំណុចមន្ទីរពេទ្យបង្អែកខេត្តសៀមរាប ស្ថិតនៅភូមិ មណ្ឌល១ សង្កាត់ស្វាយដង្គំ ក្រុង/ខេត្តសៀមរាប មានជនបរទេសម្នាក់បានស្លាប់។ តាមការឲ្យដឹងពីកម្លាំងសមត្ថកិច្ចជំនាញបានឲ្យដឹងថា ជនរងគ្រោះមានឈ្មោះ DRAYCOTT JOHN DENNIS ភេទប្រុស កើតឆ្នាំ១៩៤៧ ជនជាតិអង់គ្លេស
មុខរបរ ចូលនិវត្តន៍ស្នាក់នៅផ្ទះជាមួយប្រពន្ធ(មិនបានរៀបការ)ជនជាតិខ្មែរ នៅភូមិ បុស្សក្រឡាញ់ សង្កាត់ ជ្រាវ ក្រុង/ខេត្ត សៀមរាប។
តាមការបំភ្លឺរបស់ប្រពន្ធជនរងគ្រោះបានឲ្យដឹងថាកាលពីថ្ងៃទី០២ ខែកក្កដា ឆ្នាំ២០១៨ ជនរងគ្រោះមានអាការៈហត់ខ្លាំងត្រូវបានបញ្ជូនមកសង្គ្រោះនៅមន្ទីរពេទ្យបង្អែកខេត្តសៀមរាប រហូតដល់វេលាម៉ោងប្រហែល១៨និង១០នាទីថ្ងៃទី១០ ខែកក្កដា ឆ្នាំ២០១៨ ជនរងគ្រោះក៏បានដាច់ខ្យល់ស្លាប់តែម្តង។
សមត្ថកិច្ចបានបញ្ជាក់បន្ថែមទៀតថាតាមការស្រាវជ្រាវរបស់សមត្ថកិច្ចជំនាញនិងការពិនិត្យរបស់លោកវេជ្ជបណ្ឌិត អ៊ិត ឆបឆរ័ត្ន គ្រូពេទ្យអមតុលាការបានសន្និដ្ឋានថា ជនរងគ្រោះបានស្លាប់ដោយសារជំងឺហើមសួតរ៉ាំរ៉ៃ(របេងសួត)។
បច្ចុប្បន្នសាកសពត្រូវបានបញ្ជូនទៅតម្កល់ទុកបណ្តោះអាសន្ននៅមន្ទីរពេទ្យមិត្តភាពខ្មែរសូវៀត(ពេទ្យរុស្ស៊ី)រាជធានីភ្នំពេញតាមសំណូមពររបស់ក្រុមគ្រួសារនិងតំណាងស្ថានទូត ៕
ចំនួនអ្នកទស្សនា
- ថ្ងៃនេះ2441
- ម្សិលមិញ9421
- សប្តាហ៍នេះ58101
- ខែនេះ173251
- ឆ្នាំនេះ173251
- សរុប20615707