កុមារីរងគ្រោះម្នាក់បានស្លាប់ដោយសារអួលបាយកក នៅឃុំស្វាយស
11-July-2018 | ដោយ ពលមនសិការ
ពោធិ៍សាត់៖ ជនរងគ្រោះឈ្មោះ ឌីន ធីតា ភេទស្រី អាយុ១១ឆ្នាំ ជនជាតិខ្មែរ រស់នៅភូមិកំរ៉ែង ឃុំស្វាយស ស្រុកក្រគរ ខេត្តពោធិ៍សាត់ បានអួលបាយកកស្លាប់ កាលពីវេលាម៉ោង១៤និង១៥នាទីថ្ងៃទី១០ ខែកក្កដា ឆ្នាំ២០១៨ នៅចំណុចក្រោមដើមផ្កា ស្ថិតក្នុងភូមិឃុំរបស់ខ្លួនរស់នៅ។
សាក្សីនៅកន្លែងកើតហេតុបានឱ្យដឹងថា មុនពេលកើតហេតុ កុមាររងគ្រោះឈ្មោះ ឌីន ធីតា បានដួសបាយកក មួយចានយកមកហូប នៅក្រោមដើមផ្កាមុខផ្ទះ ខណៈពេលជនរងគ្រោះកំពុងហូបស្រាប់តែអួលបាយ ភ្លាមៗកុមាររងគ្រោះ ក៏រត់ទៅឲ្យម្តាយមីងជួយរឹតខ្នង ក្រុមគ្រួសារឃើញលក្ខណៈមិនប្រក្រតី ក៏បញ្ជូនជនរងគ្រោះទៅមណ្ឌលសុខភាពស្វាយស ពេលទៅដល់មណ្ឌលសុខភាព គ្រូពេទ្យបានបញ្ជាក់ថា ជនរងគ្រោះបានដាច់ខ្យល់ស្លាប់ហើយធ្វើឱ្យមានការភ្ញាក់ផ្អើលដល់សមត្ថកិច្ចចុះដល់កន្លែងកើតហេតុ។
លោកវរសេនីយ៍ឯក ឯម រុន អធិការនគរបាលស្រុកក្រគរបានឲ្យដឹងថា តាមការពិនិត្យនៅកន្លែងកើតហេតុរបស់សមត្ថកិច្ចនិងអាអាជ្ញាធរមូលដ្ឋានបានអះអាងថា ជនរងគ្រោះឈ្មោះ ឌីន ធីតា ពិតជាបានស្លាប់ដោយករណីអួលបាយ នៅចំណុចខាងលើពិតប្រាកដមែន ក្រោយពីសមត្ថកិច្ចធ្វើការពិនិត្យយ៉ាងល្អិតល្អន់និងយកចិត្តទុកដាក់បំផុតរបស់សមត្ថកិច្ចជំនាញ រួចមកសាកសព ត្រូវបានប្រគល់ជូនក្រុមគ្រួសារធ្វើបុណ្យតាមប្រពៃណី ៕
ចំនួនអ្នកទស្សនា
- ថ្ងៃនេះ2411
- ម្សិលមិញ9421
- សប្តាហ៍នេះ58071
- ខែនេះ173221
- ឆ្នាំនេះ173221
- សរុប20615677