មុខសញ្ញាចែកចាយនិងរក្សាទុកនៅសារធាតុញៀនខុសច្បាប់២នាក់ត្រូវបានសមត្ថកិច្ចនគរបាលចាប់ឃាត់ខ្លួន
11-July-2018 | ដោយ ពលមនសិការ
ពោធិ៍សាត់៖ សមត្ថកិច្ចនគរបាលក្រុងពោធិ៍សាត់សហការជាមួយកម្លាំងនគរបាលប៉ុស្តិ៍នគរបាលរដ្ឋបាលចំរើនផលបានបង្ក្រាបចាប់បានមុខសញ្ញាចែកចាននិងសារទុកនៅសារធាតុញៀនខុសច្បាប់ចំនួន២នាក់នៅចំណុចមាត់ប្រឡាយទឹកស្ថិតក្នុងភូមិលាវ សង្កាត់ចំរើនផល ក្រុង.ខេត្តពោធិ៍សាត់។
លោកអនុសេនីយ៍ឯកអ៊ិត រិទ្ធិ អធិការរងទទួលបន្ទុកការងារប្រឆាំងបទល្មើសគ្រឿងញៀននៃអធិការដ្ឋាននគរបាលក្រុងពោធិ៍សាត់បានឱ្យដឹងថា ការចុះបង្ក្រាបមុខសញ្ញាចែកចាយថ្នាំញៀននេះ សមត្ថកិច្ធធ្វើឡើងកាលពីវេលាម៉ោង២៣និង៤៧នាទីថ្ងៃទី១០ ខែកក្កដា ឆ្នាំ២០១៨ នៅចំណុចមាត់ទឹកស្ថិតក្នុងភូមិសង្កាត់ខាងលើ និងមានការដឹកនាំបញ្ជាផ្ទាល់ពីលោកវរសេនីយ៍ឯក យឹម ស៊ាងហៃ អធិការនគរបាលក្រុង និងមានការសម្របសម្រួលពីលោកព្រះរាជអាជ្ញាសាលាដំបូងខេត្តពោធិ៍សាត់ សមត្ថកិច្ចធ្វើការបង្ក្រាបចាប់បានមុខសញ្ញាចែកចាយថ្នាំញៀន២នាក់ ទី១-ឈ្មោះសុខ វិឆ័យ ភេទប្រុស អាយុ៣០ឆ្នាំ និងទី២-ឈ្មោះពិន ផាន់ណា ភេទប្រុស អាយុ៣៥ឆ្នាំ អ្នកទាំងពីររស់នៅភូមិពាលញែក សង្កាត់ផ្ទះព្រៃ ក្រុងពោធិ៍សាត់ ខេត្តពោធិ៍សាត់។
លោកអ៊ិត រិទ្ធ បានបន្តថា ក្រោយពេលចាប់ឃាត់ខ្លួនសមត្ថកិច្ចបានរកឃើញម្សៅក្រាមពណ៌សចំនួន១កញ្ចប់ធំ ដកហូតបានទូរស័ទ្ធដៃចំនួន៣គ្រឿង។
លោកអធិការរងបានបន្តទៀតថា នេះជាមុខសញ្ញាសកម្មខាងចែកចាយនិងលក់ថ្នាំញៀនកន្លងមក និងជាមុខសញ្ញាដែលសមត្ថកិច្ចតាមប្រមាញចាប់យកមកកសាងសំណុំរឿងបញ្ជូនទៅសាលាដំបូងខេត្តដើម្បីចាត់ការតាមផ្លូវច្បាប់៕
ចំនួនអ្នកទស្សនា
- ថ្ងៃនេះ1961
- ម្សិលមិញ9421
- សប្តាហ៍នេះ57621
- ខែនេះ172771
- ឆ្នាំនេះ172771
- សរុប20615227