កម្លាំងប៉ុស្តិ៍រដ្ឋបាលភ្នំពេញថ្មីឃាត់ខ្លួនជនសង្ស័យចំនួន០៣នាក់ ករណីរក្សាទុកដោយខុសច្បាប់នូវសាធាតុញៀន
13-July-2018 | ដោយ ពលមនសិការ
ភ្នំពេញ៖កម្លាំងប៉ុស្តិ៍រដ្ឋបាលភ្នំពេញថ្មីឃាត់ខ្លួនជនសង្ស័យចំនួន០៣នាក់ ករណីរក្សាទុកដោយខុសច្បាប់នូវសាធាតុញៀន នៅចំណុចតាមផ្លូវ១០១៥ ភូមិឧញ្ញាវាំង សង្កាត់ភ្នំពេញថ្មី ខណ្ឌសែនសុខ កាលពីថ្ងៃទី១២ ខែកក្កដា ឆ្នាំ២០១៨ វេលាម៉ោង២២ និង៣០នាទី។
លោកវរសេនីយ៍ឯក ហួរ ម៉េងវ៉ាង អធិការនគរបាលខណ្ឌសែនសុខបានឲ្យដឹងថាជនសង្ស័យចំនួន០៣នាក់រួមមានទី១-ឈ្មោះ សៀម ពិសិដ្ឋ ភេទប្រុស អាយុ២៣ឆ្នាំ ជនជាតិខែ្មរ មុខរបរជាងដែក ស្នាក់នៅបន្ទប់ជួល ផ្លូវលំ ភូមិតាឡី សង្កាត់ដង្កោ ខណ្ឌដង្កោ ទី២-ឈ្មោះ កប ឡាត់ ភេទប្រុស អាយុ២៥ឆ្នាំ ជនជាតិខែ្មរ មុខរបរជាងដែក ស្នាក់នៅបន្ទប់ជួល ផ្លូវលំ ភូមិតាឡី សង្កាត់ដង្កោ ខណ្ឌដង្កោ និងទី៣-ឈ្មោះ ស្រូ ស្រស់ ភេទប្រុស អាយុ១៩ឆ្នាំ ជនជាតិខែ្មរ មុខរបរជាងជួសជុលកាមេរ៉ា ស្នាក់នៅបន្ទប់ជួល ផ្លូវលំ ភូមិបឹងទំពន់ សង្កាត់បឹងទំពន់ ខណ្ឌមានជ័យ។
សម្ភារៈដកហូត៖ក្រាមសថ្លាចំនួន០៣កូនថង់តូច និងម៉ូតូចំនួន០១គ្រឿង ម៉ាកវីវ៉ា ពណ៌ខ្មៅ ផលិតឆ្នាំ៩៦ ពាក់ស្លាកលេខព្រៃវែង1F-8981។
លោកអធិការបានបន្តថាមុនពេលឃាត់ខ្លួនជនសង្ស័យខាងលើកម្លាំងល្បាតផ្នែកអន្តរាគមន៍ បានល្បាតក្នុងភូមិសាស្ត្រដល់ចំណុចកើតហេតុខាងលើ ឃើញជនសង្ស័យចំនួន០៣នាក់ កំពុងជិះម៉ូតូ០១គ្រឿងឌុបគ្នា តាមផ្លូវដោយមានការសង្ស័យកម្លាំងល្បាតយើងហៅជនសង្ស័យឲ្យឈប់ ត្រួតពិនិត្យលើដងខ្លួន រកឃើញវត្ថុតាងខាងលើនៅជាប់ខ្លួនជនសង្ស័យ រួចនាំខ្លួនជនសង្ស័យយកមកធ្វើការសាកសួរ នៅអធិការដ្ឋាននគរបាលខណ្ឌសែនសុខ។ បច្ចុប្បន្ន ជនសង្ស័យកំពុងឃាត់ខ្លួននៅអធិការដ្ឋាននគរបា លខណ្ឌសែនសុខ ដើម្បីអនុវត្តតាមនិតិវិធី ៕
ចំនួនអ្នកទស្សនា
- ថ្ងៃនេះ2021
- ម្សិលមិញ9421
- សប្តាហ៍នេះ57681
- ខែនេះ172831
- ឆ្នាំនេះ172831
- សរុប20615287