អាជ្ញាធរខេត្តកំពង់ធំ ប្រារព្ធពិធីអបអសាទរខួប១ឆ្នាំ នៃតំបន់ប្រាសាទសំបូរព្រៃគុក ដែលបានចុះបញ្ជីបេតិកភណ្ឌពិភពលោក
16-July-2018 | ដោយ ពលមនសិការ
កំពង់ធំ៖ ឯកឧត្តម សុខ លូ អភិបាល នៃគណៈអភិបាលខេត្ដកំពង់ធំ និងលោកជំទាវ បានអញ្ជើញជាអធិបតីភាពពិធីព្រឹត្តិការណ៍អបអសាទរខួប១ឆ្នាំ នៃតំបន់ប្រាសាទសំបូរព្រៃគុក ដែលបានចុះបញ្ជីបេតិកភណ្ឌពិភពលោក នៅប្រាសាទយាយព័ន្ធ កាលពីថ្ងៃទី១៥ ខែកក្កដា ឆ្នាំ២០១៨។
ដោយមានការអញ្ជើញចូលរួម លោក លោកស្រីប្រធាន អនុប្រធានមន្ទីរជុំវិញខេត្ត កងកម្លាំងប្រដាប់អាវុធទាំង ៣អង្គភាព សម្ព័ន្ធយុវជន កាយរិទ្ធកម្ពុជា និងប្រជាពលរដ្ឋចូលរួមអបអរសាទរយ៉ាងច្រើនកុះករផងដែរ។
ឯកឧត្តម សុខ លូ អភិបាល នៃគណៈអភិបាលខេត្ដកំពង់ធំ បានអញ្ជើញមានប្រសាសន៍ សំណេះសំណាល ថ្លែងអំណរគុណដល់អាជ្ញាធរគ្រប់លំដាប់ថ្នាក់ ជាពិសេសអាជ្ញាធរអប្សរា ដែលបានគាំទ្រជំរុញការប្រារព្ធពិធី ព្រឹត្តិការណ៍ អបអសាទរ ខួប ១ឆ្នាំ នៃតំបន់ប្រាសាទសំបូរព្រៃគុក ដែលបានចុះបញ្ជីបេតិកភណ្ឌពិភពលោកដោយមានភាពរីករាយក្រៃលែងបំផុត ឯកឧត្តមលោក ជំទាវ បង ប្អូន ប្រុសស្រី ហើយយើងទាំងអស់គ្នា បានដឹងហើយថា ការអនុវត្តន៍ គោលនយោបាយ ឈ្នះ ឈ្នះ របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ប្រទេសយើងទទួលបាន សុខសន្តិភាព យ៉ាងពេញលេញ ហើយសុខសន្តិភាព និងស្ថេរភាពនយោបាយ គឺជាមូលដ្ឋានគ្រឹះដ៏រឹងមាំនៃប្រទេស កម្ពុជា មានការរីកចម្រើនគ្រប់វិស័យ។ រាជរដ្ឋាភិបាលកម្ពុជាសម្រេចបានសមិទ្ធផល ជាច្រើន ដែលធ្វើឲ្យជីវភាពប្រជាជ ន នៃព្រះរាជាណាចក្រកម្ពុជា មានជីវភាពរីកចម្រើនជាលំដាប់ ជាក់ស្ដែង ប៉ុន្មានឆ្នាំកន្លងទៅនេះ រាជរដ្ឋាភិបាលកម្ពុជាសម្រេចបានកំណើនសេដ្ឋកិច្ច ខ្ពស់ជាង ៧% នៅឆ្នាំ២០១៧ ហើយអត្រាកំណើន នៃសេដ្ឋកិច្ច ៧.១% និងឆ្នាំ២០១៨នេះ យោងតាមការប៉ាន់ប្រមាណក្នុងរង្វង់ ៧%បន្ថែមទៀត វិស័យចំបងជាច្រើន ដែលធ្វើឲ្យសេដ្ឋកិច្ចមានការីកចម្រើនដូចជា កសិកម្ម សេវាកម្ម ទេសចរណ៍ សហគ្រាស សំណង់រោងចក្រកាត់ដេរ ដែលធ្វើឲ្យប្រទេសយើង មានការរីកចម្រើន
គួរឲ្យកត់សម្គាល់។
ឯកឧត្តមអភិបាល បានលើកឡើង ពីសកម្មភាព តស៊ូដាក់ចូលតំបន់ប្រាសាទសំបូរព្រៃគុក ជាបេតិកភណ្ឌពិភពលោក ក្រោមការដឹកនាំប្រកបដោយគតិបណ្ឌិត ដ៏ខ្ពង់ខ្ពស់ របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា សម្តេចបានពុះពារលះបង់ កម្លាំងកាយ កម្លាំងចិត្ត ប្រាជ្ញាស្មារតី រួមជាមួយថ្នាក់ដឹកនាំជាន់ខ្ពស់ នៃរាជរដ្ឋាភិបាលកម្ពុជា ក្រសួងវប្បធម៌ និងវិចិត្រសិល្បៈ និងអ្នកពាក់ព័ន្ធរួមជាមួយឯកសារចំនូនទៀត ប្រាសាទសំបូរព្រៃគុក ដែលបានចុះបញ្ជីបេតិកភណ្ឌពិភពលោកនៅថ្ងៃទី៨ ខែកក្កដា ឆ្នាំ២០១៧ ជាផ្លូវការ។
ក្នុងឱកាសនោះដែរឯកឧត្តម បានអំពាវនាវ ដល់ប្រជាពលរដ្ឋដែលបានចូលរួមក្នុងពិធីអបអរសាទរសូមអញ្ជើញចូលរួមបោះឆ្នោត ដែលជាកាតព្វកិច្ចរបស់យើងទាំងអស់គ្នា ឲ្យបានគ្រប់ៗគ្នា ។
សូមបញ្ជាក់ថាៈតំបន់ប្រាសាទសំបូរព្រៃគុក ស្ថិតក្នុងភូមិ សំបូរ ឃុំ សំបូរ ស្រុក ប្រសាទសំបូរ ខេត្តកំពង់ធំ ។ តំបន់ប្រាសាទសំបូរព្រៃគុក ជារាជធានីចាស់បុរាណឈ្មោះថា ឥសានបុរៈ ដែលកាលពីសម័យនោះ ជាមជ្ឈមណ្ឌលនៃសាសនា ឧទ្ទិសថ្វាយដល់សិវៈនិយម។ ក្រុមប្រាសាទនេះសាងសង់អំពីឥដ្ឋតាន់ថ្មបាយក្រៀមនិងថ្មភក់ ដែលលំអរលើជញ្ជាំងប្រាសាទហើយត្រូវបានកសាងឡើងនៅរជ្ជកាលព្រះបាទ ឥសានវរ្ម័នទី១ ក្នុងសតវត្សទី៧ ៕
ចំនួនអ្នកទស្សនា
- ថ្ងៃនេះ681
- ម្សិលមិញ9421
- សប្តាហ៍នេះ56341
- ខែនេះ171491
- ឆ្នាំនេះ171491
- សរុប20613947