មេក្លោងជួញដូរគ្រឿងញៀន២នាក់ ត្រូវបានកម្លាំងជំនាញ នៃមន្ទីរប្រឆាំងគ្រឿងញៀន(ក៧) សហការជាមួយកម្លាំង នគរបាលខណ្ឌជ្រោយចង្វារចាប់ខ្លួន
16-July-2018 | ដោយ ពលមនសិការ
ភ្នំពេញ៖ មេក្លោងជួញដូរគ្រឿងញៀន២នាក់ ត្រូវបានកម្លាំងជំនាញ នៃមន្ទីរប្រឆាំងគ្រឿងញៀន(ក៧) សហការជាមួយកម្លាំងជំនាញ នៃអធិការដ្ឋាននគរបាលខណ្ឌជ្រោយចង្វារ ដឹកនាំផ្ទាល់ដោយលោកឧត្តមសេនីយ៍ទោ សៀង ណុល នាយករងមន្ទីរប្រឆាំងគ្រឿងញៀនដោយមានការសម្របសម្រួលពីលោក គុជ គឹមឡុង ព្រះរាជអាជ្ញារង នៃអយ្យការអមសាលាដំបូងរាជធានីភ្នំពេញបានស្រាវជ្រាវរហូតចាប់ខ្លួនកាលពីថ្ងៃទី១៣ ខែកក្កដា ឆ្នាំ២០១៨ វេលាម៉ោង២០និង៤០នាទី នៅចំណុចស្ថានីយ៍បញ្ចូលហ្គាស ក្នុងភូមិបាក់ខែង សង្កាត់បាក់ខែង ខណ្ឌជ្រោយចង្វារ រាជធានីភ្នំពេញ។
ជនសង្ស័យដែលជាមេក្លោងជួញដូរគ្រឿងញៀនយ៉ាងសកម្មទាំង២នាក់រួមមានទី១-ឈ្មោះ វណ្ណ លីន ភេទស្រី ជនជាតិខ្មែរ អាយុ២៧ឆ្នាំ និងទី២-ឈ្មោះ ម៉ៅ ស៊ីធាន ភេទប្រុស ជនជាតិខ្មែរ អាយុ២៩ឆ្នាំ។
ភស្តុតាងដកហូតរួមមានៈសារធាតុញៀនប្រភេទមេតំហ្វេតាមីន(ICE) ទម្ងន់ ១៩៨៨.៦g។ បច្ចុប្បន្នកម្លាំងជំនាញកំពុងកសាងសំណុំរឿងបញ្ជូនទៅសាលាដំបូងរាជធានីភ្នំពេញដើម្បីចាត់ការតាមនីតិវិធី ៕
ចំនួនអ្នកទស្សនា
- ថ្ងៃនេះ431
- ម្សិលមិញ9421
- សប្តាហ៍នេះ56091
- ខែនេះ171241
- ឆ្នាំនេះ171241
- សរុប20613697