នគរបាលខណ្ឌជ្រោយចង្វារឃាត់ខ្លួនក្រុមឆក់បាន២នាក់ ក្រោយធ្វើសកម្មភាព
17-July-2018 | ដោយ ពលមនសិការ
ភ្នំពេញ៖ កម្លាំងនគរបាលខណ្ឌជ្រោយចង្វារបានឃាត់ខ្លួនជនសង្ស័យ២នាក់ ពាក់ព័ន្ធករណីលួចមានស្ថានទម្ងន់ទោស (ឆក់ទូរស័ព្ទដៃ)នៅថ្ងៃទី១៧ ខែកក្កដា ឆ្នាំ២០១៨ វេលាម៉ោង១២និង៣០នាទី ស្ថិតនៅចំណុច ផ្លូវជាតិលេខ៦ ស្តុបលោកឧកញ្ញាលី យ៉ុងផាត់ ភូមិបាក់ខែងលើ សង្កាត់បាក់ខែង ខណ្ឌជ្រោយចង្វារ រាជធានីភ្នំពេញ។
លោកវរសេនីយ៍ឯក សៀម សុត្ថាវុធ អធិការនគរបាលខណ្ឌជ្រោយចង្វារបានឲ្យដឹងថាជនសង្ស័យទី១-ឈ្មោះ ឡូត សុផាត ភេទប្រុស អាយុ១៧ឆ្នាំ ទី២-ឈ្មោះ ព្រុំ វិចារ ភេទប្រុស អាយុ ១៩ឆ្នាំ ស្នាក់នៅភូមិសំរោង សង្កាត់ព្រែកព្នៅ ខណ្ឌព្រែកព្នៅ រាជធានីភ្នំពេញ។ ជនរងគ្រោះឈ្មោះ តូច សុផល ភេទប្រុស អាយុ ៤០ឆ្នាំ ជនជាតិខ្មែរ ស្នាក់នៅក្នុងវត្តខ្ទរ ភូមិខ្ទរ សង្កាត់ព្រែកលៀប ខណ្ឌជ្រោយចង្វារ មុខរបអាចារ្យវត្តខ្ទរ។
លោកអធិការបន្តពេលក្រុមជនសង្ស័យធ្វើដំណើរស្របទិសគ្នាជាមួយជនរងគ្រោះ ហើយបានឃើញទូរស័ព្ទដៃរបស់ជនរងគ្រោះទុកក្នុងហោប៉ៅអាវ ទើបជនសង្ស័យឈ្មោះ ឡូត សុផាត (ដៃដល់) និងឈ្មោះ ព្រុំ វិចារ (អ្នកបើកម៉ូតូ) ធ្វើសកម្មភាពឆក់យកតែម្តង ក្រោយពីធ្វើសកម្មភាពបានហើយ ជនសង្ស័យទាំងពីរនាក់ បានបើកម៉ូតូរត់គេចខ្លួនសំដៅមករង្វង់មូលស្ពានបាឡេជ្រោយចង្វារ លុះធ្វើដំណើរមកដល់ ក៏ត្រូវបានកម្លាំងសមត្ថកិច្ចយើងឃាត់ខ្លួនបានតែម្តង។
សម្ភារៈដកហូតៈម៉ូតូ មួយគ្រឿងម៉ាកហុងដាសេ១២៥ ផលិតឆ្នាំ២០១៨ ពណ៌ក្រហម ស្លាកលេខ ភ្នំពេញ 1CX-2805 លេខតួ លេខម៉ាស៊ីន 5195521, ទូរស័ព្ទដៃម៉ាកសាំសុង ពណ៌ស (របស់ជនរងគ្រោះឈ្មោះ តូច សុផល)។
បច្ចុប្បន្នជនសង្ស័យកំពុងឃុំខ្លួនបណ្តោះអាសន្ននៅអធិការដ្ឋាននគរបាលជ្រោយចង្វារដើម្បីកសាងសំណុំចាត់ការតាមនីតិវិធី ៕
ចំនួនអ្នកទស្សនា
- ថ្ងៃនេះ771
- ម្សិលមិញ9421
- សប្តាហ៍នេះ56431
- ខែនេះ171581
- ឆ្នាំនេះ171581
- សរុប20614037