រថយន្តដឹកកម្មករវ៉ាជែងក្នុងស្ថានភាពគ្រោះថ្នាក់ បណ្តាលឲ្យក្រឡាប់របួសធ្ងន់ស្រាល៥នាក់
19-July-2018 | ដោយ ពលមនសិការ
កំពង់ស្ពឺ៖ រថយន្តមួយគ្រឿងម៉ាកម៉ាសស្ដាកូរ៉េដឹកម្មករ៣៥នាក់ បានក្រឡាប់បណ្តាលឲ្យរបួសស្រាល៤នាក់ និងរបួសធ្ងន់ម្នាក់ កាលពីព្រឹកថ្ងៃទី១៩ ខែកក្កដា ឆ្នាំ២០១៨ នៅចំណុចភូមិពោធិថ្មី ឃុំដំណាក់រាំង មុខក្លោងទ្វារចូលបន្ទាយសាលាជើងគោក ស្រុកឧដុង្គ ខេត្តកំពង់ស្ពឺ។
លោកឧត្តមសេនីយ៍ត្រី តាប់ លន ស្នងការរងនគរបាលខេត្តកំពង់ស្ពឺបានឲ្យដឹងថាមុនពេលកើតហេតុមានរថយន្តមួយគ្រឿងម៉ាកម៉ាសស្ដាកូរ៉េ ពណ៌ផ្ទៃមេឃ ពាក់ស្លាកលេខគ.7187.ភព2 បើកបរដោយឈ្មោះ ដួង គឹមតុង ភេទប្រុស អាយុ៣៣ឆ្នាំ នៅភូមិពោធិថ្មី ឃុំដំណាក់រាំង បើកបរពីត្បូងទៅជើងមកដល់ចំណុចកើតហេតុបានវ៉ាជែងប៉ះរថយន្តមួយគ្រឿងម៉ាករថយន្តកូរ៉េម៉ាកហ៊ីយ៉ាន់ដាយ ពណ៌ខៀវលាយ គ្មានស្លាកលេខ អ្នកបើបរបានរត់គេចខ្លួនបណ្ដាលឱ្យក្រឡាប់ផ្អៀងមួយចំហៀង។
ក្រោយកើតហេតុអ្នករបួសត្រូវបានសមត្ថកិច្ចបញ្ជូនទៅមន្ទីរពេទ្យ វត្ថុតាងកម្លាំងជំនាញវាស់វែងយកមករក្សាទុកនៅអធិការដ្ឋាននគរបាលស្រុកដើម្បីបន្តនីតិវិធី ៕
ចំនួនអ្នកទស្សនា
- ថ្ងៃនេះ381
- ម្សិលមិញ9421
- សប្តាហ៍នេះ56041
- ខែនេះ171191
- ឆ្នាំនេះ171191
- សរុប20613647