រថយន្តបុកម៉ូតូបណ្តាលឲ្យស្លាប់ម្នាក់និងរបួសធ្ងន់ម្នាក់ នៅក្រុងកំពង់ចាម
19-July-2018 | ដោយ ពលមនសិការ
កំពង់ចាម៖ យុវជនម្នាក់ស្លាប់ពេលបញ្ជូនដល់មន្ទីរពេទ្យនិងម្នាក់ទៀតបានរងរបួសធ្ងន់ បន្ទាប់ពីជួបគ្រោះថ្នាក់ចរាចរណ៍រថយន្តបុកជាមួយម៉ូតូ។ ឧបទ្ទវហេតុខាងលើបានកើតឡើងនៅរសៀលថ្ងៃទី១៩ ខែកក្កដា ឆ្នាំ២០១៨ នៅចំណុចផ្លូវបំបែកខាងលិចមហោស្រពលើវិថីត្រសក់ផ្អែមនិងវិថី ខេមរភូមិន្ទស្ថិតក្នុងភូមិទី១៥សង្កាត់កំពង់ចាម ក្រុងកំពង់ចាម។
មន្ត្រីនគរបាលខេត្តកំពង់ចាមបានឲ្យដឹងថាមុនពេលកើតហេតុ មានរថយន្តមួយគ្រឿងម៉ាកលុចស៊ីស ពណ៌ស្ក ស្លាកលេខ ភ្នំពេញ2AT-0417 បើកបរដោយឈ្មោះប៊ូ ទុំ ភេទស្រី អាយុ៤៥ឆ្នាំ នៅភូមិទី១ សង្កាត់វាលវង់ក្រុងកំពង់ចាម (បើកពីត្បូងទៅជើង) ពេលមកដល់កន្លែងកើតហេតុបានបុកម៉ូតូមួយគ្រឿងម៉ាកហុងដា សេ១១០ ពណ៌ខ្មៅ ស្លាកលេខ កំពង់ចាម 1Q-3752 បើកបរដោយឈ្មោះ វ៉េត វៃ ភេទប្រុសអាយុ១៦ឆ្នាំ នៅភូមិប្រសំ ឃុំរអាង ស្រុកកំពង់សៀម ខេត្ត្កកំពង់ចាម បើកពីកើតទៅលិច មិនពាក់មួកសុវត្ថិភាព ស្លាប់ ពេលបញ្ជូនដល់មន្ទីរពេទ្យ។ និងអ្នករួមដំណើរឈ្មោះ សឿន ឧត្តម ហៅ ម៉ៅ ភេទប្រុស អាយុ១៥ឆ្នាំ នៅភូមិឡឥដ្ឋ សង្កាត់បឹងកុក ក្រុងកំពង់ចាម មិនពាក់មួកសុវត្ថិភាពរបួសធ្ងន់។ មន្ត្រីនគរបាលដដែលបន្តថាមូលហេតុបណ្តាលអោយមានគ្រោះថ្នាក់ចរាចរអ្នកបើកបរម៉ូតូបើកល្បឿនលឿនទៅបុករថយន្ត។
ក្រោយពេលកើតហេតុ កម្លាំងជំនាញបានយកម៉ូតូនិងរថយន្ត មករក្សារទុកនៅអធិការដ្ឋាននគរបាលក្រុងកំពង់ចាម ដើម្បី ចងក្រងសំណុំរឿងតាមនិតិវិធី។ រីឯសាកសព ក្រុមគ្រួសារ បានយកទៅធ្វើបុណ្យតាមប្រពៃណី ៕
ចំនួនអ្នកទស្សនា
- ថ្ងៃនេះ901
- ម្សិលមិញ9421
- សប្តាហ៍នេះ56561
- ខែនេះ171711
- ឆ្នាំនេះ171711
- សរុប20614167