ឯកឧត្តម នាយឧត្តមសេនីយ៍ មួន សារ៉ន ដឹកនាំកិច្ចប្រជុំផ្លាស់ប្តូរបទពិសោធន៍ ការរៀបចំកងកម្លាំងអន្តរាគមន៍

19-July-2018 | ដោយ ពល បញ្ញា

ត្បូងឃ្មុំ ៖ ឯកឧត្ដម នាយឧត្ដមសេនីយ៍ មួន សារ៉ន ទីប្រឹក្សាផ្ទាល់ សម្តេចអគ្គមហាសេនាបតីតេជោ ហ៊ុន សែន និង ជា អគ្គស្នងការរងនគរបាលជាតិ តំណាងដ៏ខ្ពង់ខ្ពស់ ឯកឧត្ដម នាយឧត្ដមសេនីយ៍ សន្ដិបណ្ឌិត នេត សាវឿន អគ្គស្នងការនគរបាលជាតិ បានដឹកនាំប្រតិភូអញ្ជើញជាអធិបតីក្នុ ងកិច្ចប្រជុំផ្លាស់ប្ដូរបទពិសោធន៍ រវាងស្នងការដ្ឋាននគរបាលខេត្ដ ត្បូងឃ្មុំ, ក្រចេះ,ស្ទឹងត្រែង, មណ្ឌលគីរី និង រតនគីរី នាព្រឹក ព្រហស្បតិ៍ ៧កើត ខែទុតិយាសាធ ឆ្នាំច សំរឹទ្ធស័ក ព.ស២៥៦២ ត្រូវនឹងថ្ងៃទី១៩ ខែកក្កដា ឆ្នាំ២០១៨ នៅស្នងការដ្ឋាននគរបាលខេត្តត្បូងឃ្មុំ ។

លោកឧត្តមសេនីយ៍ទោ បែន រ័ត្ន ស្នងការនគរបាលខេត្តត្បូងឃ្មុំ បានអានរបាយការណ៍ស្ដីពីទំសមិទ្ធិផលនានាដែលសម្រេចបាន និងការបែងចែកកម្លាំង ត្រៀមទប់ស្កាត់សភាពការណ៍កើតឡើងជាយថាហេតុណាមួយនោះ ។

បន្ទាប់ពីកិច្ចប្រជុំនោះ ឯកឧត្ដម នាយឧត្ដមសេនីយ៍ មួន សារ៉ន អគ្គស្នងការរងនគរបាលជាតិ និងប្រតិភូអម ព្រមទាំងសហការី បានអញ្ជើញទស្សនាការបង្ហាញពី សំភារ:និង អាគារការិយាល័យ ដែលស្នងការដ្ឋាន សម្រេចបាន នាពេលកន្លងមកនេះហើយបានកោតសរសើរ ចំពោះអស់លោក-លោកស្រីទាំងអស់ ដែលជាមន្ដ្រីនគរបាល នៃស្នងការដ្ឋាននគរបាល ខេត្តចំនួន ០៥ ដែលបានខិតខំកសាង វិជ្ជា ជំនាញ បទពិសោធន៍ ព្រមទាំងសំភារ: និង មផ្យោបាយយ៉ាងល្អប្រសើរ ជាពិសេសស្នងការដ្ឋាន ខេត្តត្បូងឃ្មុំដែលជាម្ចាស់ផ្ទះ ។

ឯកឧត្ដម នាយឧត្ដមសេនីយ៍ ក៏បានផ្ដាំផ្ញើរដល់អស់លោក-លោកស្រី ដែលជាមន្ដ្រីនគរបាល ត្រូវគោរពវិន័យនិង អនុវត្តន៏ដោយស្មោះត្រង បន្តពង្រឹង សមត្ថភាព បន្ថែមទៀត ដើម្បីរក្សាសន្ដិសុខ សណ្ដាប់ធ្នាប់សាធារណៈ និងបម្រើប្រជាពលរដ្ឋ ឲ្យបានល្អប្រសើរ ។