ទីផ្សារស្រូវសែនក្រអូបត្រូវបានឈ្មួញកណ្តាលឱ្យតម្លៃឡើងចុះតាមតែចិត្តផលដំបូង១តោនតម្លៃ១លាន២សែនចុះតម្លៃមក១លានរៀល
25-July-2018 | ដោយ ពលមនសិការ
បន្ទាយមានជ័យ៖ ទីផ្សារស្រូវសែនក្រអូបត្រូវបានឈ្មួញកណ្តាលឱ្យតម្លៃឡើងចុះតាមតែចិត្ត ផលដំបូង១តោន តម្លៃ១លា ន២សែន ចុះតម្លៃមក១លានរៀលគឺចុះតម្លៃរាល់ថ្ងៃសុំឱ្យមន្ត្រីជំនាញមានចំណាត់ការ។
ខេត្តបន្ទាយមានជ័យភាគច្រើនគឺប្រជាកសិករនាំគ្នាពេញនិយម បង្កបង្កើនផលស្រូវស្រាលច្រើនជាងស្រូវធ្ងន់ដូចជាស្រូវស្រាលប្រភេទស្រូវសែនក្រអូប និងស្រូវណាំបុង ហើយត្រូវទទួលផលនៅអំឡុងដើមខែកក្កដា ឆ្នាំ២០១៨នេះ។
ប្រជាកសិករបានលើកឡើងថានៅពេលប្រមូលផលស្រូវដំបូងដូចជាស្រូវសែនក្រអូបក្នុង១តោនឈ្មួញកណ្តាលឬឈ្មួញទិញដាក់តាមរោងម៉ាស៊ីនឱ្យតម្លៃរហូតដល់១លាន២សែនរៀល និងស្រូវណាំងបង់១តោន តម្លៃ៧០ម៉ឺនរៀល។រហូតដល់ថ្ងៃទី២៤ ខែកក្កដា ឆ្នាំ២០១៨នេះ ឈ្មួញទិញស្រូវសែនក្រអូប១តោនបញ្ចុះតម្លៃ១លានរៀលនិងស្រូវអ៊ីអ៊ែរ១តោនតម្លៃ៦៥ម៉ឺនរៀល។
ប្រជាកសិករសុំឱ្យមន្ត្រីជំនាញត្រូវមានចំណាត់ការចំពោះឈ្មួញកណ្តាលដែលទិញស្រូវដាក់តាមរោងម៉ាស៊ីនដែលឱ្យតម្លៃស្រូវឡើងចុះតាមតែអំពើចិត្តធ្វើប្រជាកសិករជួបការលំបាករឿងទីផ្សារស្រូវសុំឱ្យដាក់តម្លៃកំណត់ឱ្យបានច្បាស់លាស់សម្រាប់ទីផ្សារស្រូវនេះជាការចូលរួមកាត់បន្ថយភាពក្រីក្រ។
លោក ប៉ុក ឡាយជី ប្រធានមន្ទីរពាណិជ្ជកម្មខេត្តបន្ទាយមានជ័យបានប្រាប់ថាខេត្តបន្ទាយមានជ័យរហូតដល់ថ្ងៃទី២៤ ខែកក្កដា ឆ្នាំ២០១៨នេះ តម្លៃស្រូវដែលឈ្មួញទិញស្រូវសែនក្រអូប១តោនតម្លៃ១លានរៀល និងស្រូវអ៊ីអ៊ែរ១តោនតំលៃ៦៥ម៉ឺនរៀល។
ដោយយោងតាមរបាយការណ៍មន្ទីរកសិកម្មរុក្ខប្រម៉ាញ់និងនេសាទខេត្តបន្ទាយមានជ័យរហូតដល់ ខែមិថុនា ឆ្នាំ២០១៨ នេះ បង្កបង្កើនផលស្រូវស្រាលមានផ្ទៃដី៧៣,៥២១ហិតា និងស្រូវអ៊ីអ៊ែរមានផ្ទៃដី៦៧.០៤៨ហិតា៕
ចំនួនអ្នកទស្សនា
- ថ្ងៃនេះ721
- ម្សិលមិញ9421
- សប្តាហ៍នេះ56381
- ខែនេះ171531
- ឆ្នាំនេះ171531
- សរុប20613987