ផ្ទះប្រជាពលរដ្ឋមួយខ្នងនៅខណ្ឌដង្កោត្រូវភ្លើងឆេះទាំងស្រុង
30-July-2018 | ដោយ ពលមនសិការ
ភ្នំពេញ៖ អគ្គិភ័យបានឆេះផ្ទះប្រជាពលរដ្ឋមួយខ្នងទាំងស្រុងនៅរសៀលថ្ងៃទី៣០ ខែកក្កដា ឆ្នាំ២០១៨ នៅផ្ទះគ្មានលេខ ស្ថិតតាបណ្តោយផ្លូវបេតុង ភូមិទ្រា សង្កាត់ប្រទះឡាង ខណ្ឌដង្កោ រាជធានីភ្នំពេញ។
យោងតាមរបាយការណ៍របស់មន្ត្រីនគរបាលការិយាល័យបង្ការពន្លត់អគ្គិភ័យនិងសង្គ្រោះនៃស្នងការនគរបាលរាជធានីភ្នំពេញបានឲ្យដឹងថាម្ចាស់ផ្ទះរងគ្រោះឈ្មោះស៊ឹម ផានិត ភេទប្រុស អាយុ ៣៩ឆ្នាំ មុខរបរលក់ដូរ។ មូលហេតុ ឆ្លងចរន្តអគ្គិសនី។
ប្រភពដដែលបន្តថាផ្ទះដែលត្រូវអគ្គិភ័យលេបត្របាក់ជាផ្ទះប្រភេទសំណង់ ផ្ទះទៀមមានដំបូលនិងជញ្ជាំងស័ង្កសី ទំហំ ៥ម៉ែត្រគុណ១០ម៉ែត្រ។ ក្នុងហេតុការណ៍ខាងលើបណ្តាលឲ្យឆេះម៉ូតូម៉ាកទ្រីមសង់មួយគ្រឿង, ទូរទឹកកកមួយគ្រឿង, សម្ភារៈប្រើប្រាស់ប្រចាំថ្ងៃអស់ទាំងស្រុង និងពុំបានបណ្តោយឲ្យឆេះរាលដាលដល់ផ្ទះអ្នកជិតខាងឡើយ។
ក្នុងប្រតិបត្តិការជួយសង្គ្រោះខាងលើកម្លាំងការិយាល័យបង្ការពន្លត់អគ្គិភ័យនិងសង្គ្រោះប្រើប្រាស់រថយន្តចំនួន២គ្រឿង ប្រើប្រាស់ទឹកអស់២ឡាន ស្មើនឹង១០ម៉ែត្រគូប ៕
ចំនួនអ្នកទស្សនា
- ថ្ងៃនេះ591
- ម្សិលមិញ9421
- សប្តាហ៍នេះ56251
- ខែនេះ171401
- ឆ្នាំនេះ171401
- សរុប20613857