ម៉ូតូស៊ុយហ្ស៊ូគីNextឆ្លងផ្លូវមិនប្រយ័ត្នត្រូវម៉ូតូZumerX បុកពេញមួយទំហឹងបណ្ដាលឲ្យរបួសធ្ងន់ស្រាល២នាក់
31-July-2018 | ដោយ ពលមនសិការ
កណ្ដាល៖ ម៉ូតូម៉ាកស៊ុយហ្ស៊ូគីNextមួយគ្រឿងជិះបត់ឆ្លងផ្លូវមិនប្រយ័ត្ន ត្រូវម៉ូតូមួយគ្រឿងទៀតម៉ាកម៉ូតូZumer Xឈប់មិនទាន់បុកចំពីមុខពេញមួយទំហឹង បណ្ដាលឲ្យយុវជនម្នាក់រងរបួសធ្ងន់ និងម្នាក់ទៀតរងរបួសស្រាល។ ករណីគ្រោះថ្នាក់ចរា រណ៍ខាងលើនេះ បានកើតឡើងកាលពីថ្ងៃទី៣០ ខែកក្កដា ឆ្នាំ២០១៨ វេលាម៉ោង១៥និង៥០នាទី លើផ្លូវជាតិលេខ៣ ត្រង់ចន្លោះគីឡូម៉ែត្រលេខ២៦-២៦ ស្ថិតក្នុងភូមិអន្លង់រមៀតលិច ឃុំ អន្លង់រមៀត ស្រុកកណ្ដាលស្ទឹង ខេត្តកណ្ដាល។
មន្ត្រីនគរបាលចរាចរណ៍ស្រុកកណ្ដាលស្ទឹងបានឲ្យដឹងថា ជនរងគ្រោះរបួសធ្ងន់ឈ្មោះ អ៊ុន រតនៈ ភេទប្រុស អាយុ១៦ឆ្នាំ មានទីលំនៅភូមិក្រាំងឈើនាង ឃុំត្បែងស្រុកកណ្ដាលស្ទឹង ខេត្តកណ្ដាល ជិះម៉ូតូម៉ាកNext ពណ៌ស ពាក់ស្លាកលេខ កណ្ដាល1X-7899។ ចំណែកភាគីម៉ូតូម្ខាងទៀតម៉ាកម៉ាកZumerX ពណ៌ខ្មៅ ពាក់ស្លាកលេខ ភ្នំពេញ1GY-2472 ជិះដោយឈ្មោះ ធួក ជី ភេទប្រុស អាយុ៣១ឆ្នាំ មានទីលំនៅភូមិត្រើង ឃុំមាន ស្រុក ព្រៃឈរ ខេត្តកំពង់ចាម របួសស្រាល។
ប្រភពដដែលបន្តថា នៅមុនពេលកើតហេតុ សាក្សីបានឃើញជនរងគ្រោះជាអ្នកជិះម៉ូតូម៉ាកស៊ុយហ្ស៊ូគីNext ធ្វើដំណើរតាមបណ្ដោយផ្លូវជាតិលេខ៣ ក្នុងទិសដៅពីកើតមកលិច លុះជិះមកដល់ចំណុចកើតហេតុ ក៏បត់ឆ្លងផ្លូវទៅទិសខាងលិច ខណៈនោះក៏មានម៉ូតូមួយគ្រឿងទៀតម៉ាកហុងដាZumerX ធ្វើដំណើរពីត្បូងមកជើង ឈប់មិនទាន់ក៏បុកម៉ូតូស៊ុយហ្ស៊ូគីNextពីមុខពេញមួយទំហឹង បណ្ដាលឲ្យជនរងគ្រោះជាអ្នកជិះម៉ូតូស៊ុយហ្ស៊ូគីNextទទួលរងរបួសធ្ងន់ និងអ្នកជិះម៉ូតូហុងដាZumer x ទទួលរងរបួសស្រាល ។
ក្រោយពីមានហេតុការណ៍កើតឡើងជនរងគ្រោះរបួសធ្ងន់ត្រូវបានរថយន្តសាមុយដឹកបញ្ជូនទៅសង្គ្រោះនៅមន្ទីរពេទ្យរាជធានីភ្នំពេញ ។ដោយឡែកមធ្យោបាយពាក់ព័ន្ធទាំង២គ្រឿងត្រូវបានសមត្ថកិច្ចជំនាញចុះធ្វើការវាស់វែងនិងកសាងសំណុំរឿងចាត់ការតាមនីតិវិធីច្បាប់ ៕
ចំនួនអ្នកទស្សនា
- ថ្ងៃនេះ671
- ម្សិលមិញ9421
- សប្តាហ៍នេះ56331
- ខែនេះ171481
- ឆ្នាំនេះ171481
- សរុប20613937