នគរបាលគ្រឿងញៀនបញ្ជូនខ្លួនជនសង្ស័យ២នាក់ទៅសាលាដំបូងខេត្ត
01-August-2018 | ដោយ ពលមនសិការ
សៀមរាប៖ កម្លាំងការិយាល័យប្រឆាំងគ្រឿងញៀនបាន សហការជាមួយកម្លាំងប៉ុស្តិ៍នគរបាលរដ្ឋបាលសង្កាត់គោកចកនិងកម្លាំងប៉ុស្តិ៍នគរបាលរដ្ឋបាលសង្កាត់ស្លក្រាមបានឃាត់ខ្លួនជនសង្ស័យ២នាក់ពីបទជួញដូរនិងចាត់ចែងឲ្យប្រើប្រាស់ដោយខុសច្បាប់នូវសារធាតុញៀន ស្ថិតនៅភូមិគោកបេង សង្កាត់គោកចកនិងភូមិបឹងដូនប៉ាសង្កាត់ស្លក្រាមក្រុងខេត្តសៀមរាបកាលពីថ្ងៃទី៣១ ខែកក្កដា ឆ្នាំ២០១៨។
មន្ត្រីនគរបាលខេត្តសៀមរាបបានឲ្យដឹងថាជនសង្ស័យទី១-ឈ្មោះ អុល ណារ៉ាត់ ភេទប្រុស ឆ្នាំកំណើត១៩៩៤ មុខរបរមិនពិតប្រាកដ ទីលំនៅភូមិគោកបេង សង្កាត់គោកចក ក្រុង/ខេត្តសៀមរាប(ជួញដូរនិងចាត់ចែង) និងទី២-ឈ្មោះ ឡេង សុធាភេទប្រុស ឆ្នាំកំណើត១៩៩១ មុខរបរមិនពិតប្រាកដ ទីលំនៅភូមិបឹងដូនប៉ា សង្កាត់ស្លក្រាម ក្រុង/ខេត្តសៀមរាប(រក្សាទុកនិងចាត់ចែង)។
កម្លាំងនគរបាលជំនាញបានដកហូតវត្ថុតាងមាន៖ ម្សៅមេតំហ្វេតាមីនប្រភេទទឹកកកចំនួន១៦កញ្ចប់ស្មើនឹងទំងន់ ២,២ក្រាមទាំងសំបករួមនិងឧបករណ៍ប្រើប្រាស់គ្រឿងញៀនមួយចំនួនទូរស័ព្ទដៃ០៣គ្រឿង។ ហើយបានបញ្ជូនខ្លួនទៅសាលាដំបូងខេត្តថ្ងៃទី០១ ខែសីហា ឆ្នាំ២០១៨ ដើម្បីចាត់ការទៅតាមផ្លូវច្បាប់ ៕
ចំនួនអ្នកទស្សនា
- ថ្ងៃនេះ8501
- ម្សិលមិញ16391
- សប្តាហ៍នេះ54731
- ខែនេះ169881
- ឆ្នាំនេះ169881
- សរុប20612337