ជំនន់ទឹកភ្លៀងបណ្តាលឲ្យលិចផ្ទះប្រជាពលរដ្ឋមួយចំនួននៅសង្កាត់លេខ៤ ក្រុងព្រះសីហនុ
02-August-2018 | ដោយ ពលមនសិការ
ព្រះសីហនុ៖ ឯកឧត្តម យន្ត មីន អភិបាល នៃគណៈអភិបាលខេត្តព្រះសីហនុបានឲ្យដឹងនៅព្រឹកថ្ងៃទី០២ ខែសីហា ឆ្នាំ២០១៨នេះថាភ្លៀងធ្លាក់ខ្លាំងតាំងពីព្រលឹមបណ្តាលឲ្យលិចតំបន់ទំនាប ភាគច្រើនដូចជានៅក្នុងភូមិសាស្ត្រ សង្កាត់លេខ៤ និងសង្កាត់លេខ៣ ខេត្តព្រះសីហនុ។
លោកអភិបាលខេត្តបានបន្តថាជំនន់ទឹកភ្លៀងខាងលើមិនបណ្តាលឲ្យខូចខាតផ្ទះប្រជាពលរដ្ឋធ្ងន់ធ្ងរនោះទេ ចំណែកផ្លូវក៏មិនខូចខាតខ្លាំងដែរ គ្រាន់តែពិបាកធ្វើដំណើរបន្តិចបន្តួចប៉ុណ្ណោះ។
សូមបញ្ជាក់ថានៅព្រឹកថ្ងៃទី០២ ខែសីហា ឆ្នាំ២០១៨នេះ ក្រោយមានភ្លៀងធ្លាក់ខ្លាំង ចាប់តាំងពីព្រឹកព្រលឹមមក មានទឹកជំនន់ជន់លិចនៅតាមតំបន់ទំនាប ភាគច្រើនដូចជានៅក្នុងភូមិសាស្ត្រ សង្កាត់លេខ៤ និងសង្កាត់លេខ៣ជាដើម។ ផ្លូវទឹកមួយចំនួនដែលកកស្ទះកន្លងមកត្រូវបានអជ្ញាធរនិងមន្ត្រីជំនាញចាត់ចែងស្តារជាបន្តបន្ទាប់ ដោយសង្ឃឹមថា ក្រោយភ្លៀងរាំង ទឹកក៏អាចស្រកហូរអស់ពីផ្លូវឬកន្លែងដែលទឹកជន់លិចនោះវិញដែរ។
គួរបញ្ជាក់ថាប៉ុន្មានថ្ងៃកន្លងមកនេះ រដ្ឋបាលខេត្តព្រះសីហនុ បានចាត់ចែងគ្រឿងចក្រចុះកាយស្តារ បើកមុខផ្លូវទឹក តាមតំបន់មួយចំនួនដែលឧស្សាហ៍កើតមានការជន់លិចពេលមានភ្លៀងម្តងៗ ដូចជានៅផ្លូវអិលវីក្នុងសង្កាត់លេខ៤ ម្តុំស្ពានអូរសំអាតនិងចំណុចអណ្តូងអ៊ុនតាក់ក្នុងសង្កាត់លលេខ៣ ព្រមទាំងនៅតំបន់ទំនប់រលកជាដើម។
ជាមួយគ្នានេះ អភិបាលក្រុងព្រះសីហនុ លោកអ៊ី សុខឡេង ក៏បានអំពាវនាវអោយពលរដ្ឋចូលរួមបន្ថែមចំពោះបញ្ហានេះ ដូចជាការហា មឃាត់មិនអោយបោះសំរាមអនាធិបតេយ្យចូលក្នុងអូរឬប្រឡាយរំដោះទឹក និងហាមឃាត់ការចាក់ដីឬការសាង សង់សំណង់ផ្សេងៗលើដីចំណីអូរក្នុងក្រុងជាដើម ក្នុងនោះរដ្ឋបាលក្រុងព្រះសីហនុក៏បានប្រើវិធានការផ្លូវច្បាប់ ចុះបង្ខំអោយអ្នកពាក់ព័ន្ធដែលសាងសង់ខុសច្បាប់ប៉ះពាល់ដីអូរឬប្រឡាយបង្ហូរទឹកអោយធ្វើការរុះរើចេញវិញផងដែរ ៕
ចំនួនអ្នកទស្សនា
- ថ្ងៃនេះ8701
- ម្សិលមិញ16391
- សប្តាហ៍នេះ54931
- ខែនេះ170081
- ឆ្នាំនេះ170081
- សរុប20612537