ម៉ូតូបុកម៉ូតូបណ្តាលឲ្យរបួសធ្ងន់ស្រាល៤នាក់ នៅក្រុងបាវិត
06-August-2018 | ដោយ ពលមនសិការ
ស្វាយរៀង៖មនុស្ស៤នាក់បានរងរបួសធ្ងន់ស្រាលក្នុងករណីគ្រោះថ្នាក់ចរាចរណ៍រវាងម៉ូតូបុកជាមួយម៉ូតូក្នុងទិសដៅបញ្ច្រាស់គ្នា។ ហេតុការណ៍ខាងលើបានកើតឡើងនៅវេលាម៉ោង២១និង១០នាទី កាលពីថ្ងៃអាទិត្យ០៩រោច ខែទុតិយាសាឍ ឆ្នាំច សំរិទ្ធស័ក ព.ស២៥៦២ត្រូវនិងថ្ងៃទី០៥ខែសីហា ឆ្នាំ២០១៨ នៅផ្លូវជាតិលេខ០១ ត្រង់ចំណុចគីឡូម៉ែត្រលេខ១៤៩-១៥០ ស្ថិតក្នុងភូមិកំពោតជ្រួក សង្កាត់ព្រៃអង្គុញ ក្រុងបាវិត ខេត្តស្វាយរៀង។
មន្ត្រីនគរបាលខេត្តស្វាយរៀងបានឲ្យដឹងថាមុនពេលកើតហេតុមានម៉ូតូ១គ្រឿងម៉ាកហុងដាសេ១២៥ ពណ៌ខ្មៅផលិតឆ្នាំ២០១៥ ពាក់ស្លាកលេខស្វាយរៀង 1G-7581 បើកបរដោយឈ្មោះ ទុំ ផល្លិត ភេទប្រុស អាយ៣៩ឆ្នាំ ជនជាតិខ្មែរមុខរបរលក់ទូរស័ព្ទ មានទីលំនៅភូមិកំពោតជ្រួក សង្កាត់ព្រៃអង្គុញ ក្រុងបាវិត ខេត្តស្វាយរៀង(រងរបួសធ្ងន់ក្បាល)និងអ្នករួមដំណើរឈ្មោះនាង ចាន់រ៉ា ភេទប្រុស អាយុ២២ឆ្នាំ ជនជាតិខ្មែរមុខរបរកម្មកររោងចក្រ មានទីលំនៅភូមិ សង្កាត់ជាមួយគ្នា(រងរបួសធ្ងន់ក្បាល)បើកបរពីកើតទៅលិចលុះដល់ចំណុចកើតហេតុខាងលើបានបតឆ្វេងហើយក៏ជាមួយម៉ូតូម៉ាកហុងដាសេ១២៥ ពណ៌ខ្មៅផលិតឆ្នាំ២០១៦ ពាក់ស្លាកលេខភ្នំពេញ 1FM-2254 បើកបរដោយឈ្មោះ កង ទ្បា ភេទប្រុស អាយុ២៥ឆ្នាំ ជនជាតិខ្មែរមុខរបរកម្មកររោងចក្រ មានទីលំនៅភូមិច្រកម្ទេស សង្កាត់ច្រកម្ទេស ក្រុងបាវិត ខេត្តស្វាយរៀង (រងរបួសធ្ងន់ក្បាល)និងអ្នករួមដំណើរឈ្មោះ ចាន់ សាវី ភេទស្រី អាយុ៤៥ឆ្នាំ ជនជាតិខ្មែរមុខរបរកសិករ ត្រូវជាម្តាយបង្កើតអ្នកបើកបរមានទីលំនៅភូមិ សង្កាត់ជាមួយគ្នា(រងរបួសស្រាល)។
ចំពោះអ្នករងរបួសបើកបរម៉ូតូម៉ាកហុងដាផលិតឆ្នាំ២០១៥បានបញ្ជួនទៅព្យាបាលនៅមន្ទីរពេទ្យប្រទេសវៀតណាមទាំង ២នាក់។ ចំណែកអ្នកបើកបរម៉ូតូម៉ាកសេ១២៥ ផលិតឆ្នាំ២០១៦ បានបញ្ជួនទៅមន្ទីរពេទ្យខេត្តស្វាយរៀង។ ប្រភពដដែលបន្តថាមូលហេតុអ្នកបើកបរម៉ូតូសេ១២៥ផលិតឆ្នាំ២០១៥បទឆ្វេងខ្វះការប្រុងប្រយ័ត្ន។
បច្ចុប្បន្ន សមត្ថកិច្ចបានប្រមូលវត្ថុតាងទាំង០២គ្រឿងយកមករក្សាទុកនៅប៉ុស្តិ៍នគរបាលរដ្ឋបាលសង្កាត់ព្រៃអង្គុញដើម្បីបំពេញសំណុំរឿងតាមនីតិវិធីច្បាប់ ៕
ចំនួនអ្នកទស្សនា
- ថ្ងៃនេះ8651
- ម្សិលមិញ16391
- សប្តាហ៍នេះ54881
- ខែនេះ170031
- ឆ្នាំនេះ170031
- សរុប20612487