ជនសង្ស័យ៣នាក់ ឆក់ទូរស័ព្ទជនជាតិបានសម្រេច ត្រូវនគរបាលស្រាវជ្រាវចាប់ខ្លួន
06-August-2018 | ដោយ ពលមនសិការ
ព្រះសីហនុ៖កម្លាំងជំនាញផែននគរបាលព្រហ្មទណ្ឌ សហការជាមួយកម្លាំងអធិការដ្ឋាននគរបាលក្រុងបានស្រាវជ្រាវឃាត់ខ្លួនជនសង្ស័យ៣នាក់ពីបទលួចមានស្ថានទម្ងន់ទោស(ឆក់ទូរស័ព្ទដៃជនជាតិចិន)កាលពីថ្ងៃទី០៣ ខែសីហា ឆ្នាំ២០១៨ វេលាម៉ោង២២និង០៥នាទី ស្ថិតនៅចំណុច ផ្លូវឧតុនិយម ភូមិ៣ សង្កាត់៣ ក្រុង-ខេត្តព្រះសីហនុ។
លោកឧត្តមសេនីយ៍ទោ ជួន ណារិន្ទ ស្នងការនគរបាលខេត្តព្រះសីហនុបានឲ្យដឹងថាជនសង្ស័យត្រូវបានកម្លាំងនគរបាលឃាត់ខ្លួនកាលពីថ្ងៃទី០៥ ខែសីហា ឆ្នាំ២០១៨ វេលាម៉ោង១៥រសៀល។
ជនសង្ស័យចំនួន ០៣នាក់ទី១-ឈ្មោះ ហ៊ុយ សេងលី ភេទប្រុស អាយុ ១៦ឆ្នាំ មុខរបរ សិស្ស មានទីលំនៅ ភូមិ២ សង្កាត់៤ ក្រុង-ខេត្តព្រះសីហនុ ( អ្នកបើកម៉ូតូ ), ទី២-ឈ្មោះ វី ពិសិដ្ឋ ភេទប្រុស អាយុ ១៨ឆ្នាំ មុខរបរ កម្មករសំណង់ មានទីលំនៅ ក្រុម៣៥ ភូមិ៣ សង្កាត់១ ក្រុង-ខេត្តព្រះសីហនុ ( ជិះពីក្រោយឆក់ ) និងទី៣-ឈ្មោះ ខន ម៉ាប់ ភេទប្រុស អាយុ ១៦ឆ្នាំ មុខរបរ មិនពិតប្រាកដ មានទីលំនៅ ក្រុម៣៥ ភូមិ៣ សង្កាត់១ ក្រុង-ខេត្តព្រះសីហនុ ( សមគំនិត )។
វត្ថុតាងចាប់យកបាន៖ ម៉ូតូមួយគ្រឿង ម៉ាកនិច ពណ៌ស-ខ្មៅ ស្លាកលេខៈ ភ្នំពេញ 1CW-3419 មានលេខតួ និងលេខម៉ាស៊ីនៈ០១៣៧៣៨(មធ្យោបាយធ្វើសកម្មភាព)។
ជនរងគ្រោះជាជនជាតិចិន ភេទប្រុស ក្រោយពេលកើតហេតុជនរងគ្រោះមិនបានមកដាក់ពាក្យបណ្តឹងឡើយ ។
សម្ភារៈបាត់បង់៖ទូរស័ព្ទដៃ ០១គ្រឿង ម៉ាក IPHONEX ពណ៌ខ្មៅ។ បច្ចុប្បន្នកម្លាំងជំនាញកំពុងកសាងសំណុំរឿងបញ្ជូនជនសង្ស័យទៅសាលាដំបូងខេត្តដើម្បីចាត់ការតាមនីតិវិធី ៕
ចំនួនអ្នកទស្សនា
- ថ្ងៃនេះ831
- ម្សិលមិញ9421
- សប្តាហ៍នេះ56491
- ខែនេះ171641
- ឆ្នាំនេះ171641
- សរុប20614097