មុខសញ្ញាលួចម៉ូតូ២នាក់ ត្រូវនគរបាលចាប់ខ្លួន
08-August-2018 | ដោយ ពលមនសិការ
ព្រៃវែង៖កម្លាំងនគរបាលបានឃាត់ខ្លួនជនសង្ស័យ២នាក់ពីបទលួចម៉ូតូនៅថ្ងៃទី៨ ខែសីហា ឆ្នាំ២០១៨នៅចំណុចផ្ទះឈ្មោះ នៅ ស្រីទូច ភេទស្រី អាយុ៤៥ឆ្នាំ ភូមិប្របុសរលួយឃុំបន្ទាយចក្រី ស្រុកព្រះស្ដេច ខេត្តព្រៃវែង។
សមត្ថកិច្ចបានឲ្យដឹងថាម៉ូតូដែលក្រុមជនសង្ស័យលួចម៉ាកHONDA សេ១២៥ ផលិតឆ្នាំ២០១៥ ពណ៌ខ្មៅ គ្មានស្លាកលេខ។ ជារបស់ឈ្មោះប៊ុត វណ្ណរ៉ា ភេទប្រុស អាយុ២០ឆ្នាំ នៅភូមិដំរីស្លាប់ ឃុំបន្ទាយចក្រី ស្រុកព្រះស្ដេច ខេត្តព្រៃវែង។ មូលហេតុឈ្មោះ ប៊ុត វណ្ណរ៉ា ជិះម៉ូតូចូលច្រៀងខារ៉ាអូខេទុកម៉ូតូ នៅក្នុងរបងមិនចាក់សោរក។
ក្រោយពីបានទទួលព័ត៌មានកម្លាំងនគរបាលបានស្រាវជ្រាវតាមស្ទាក់ឃាត់ខ្លួនមុខសញ្ញាសង្ស័យ២នាក់ទី១-ឈ្មោះ ម៉េត ភាព ភេទប្រុស អាយុ២៤ឆ្នាំ នៅភូមិមុន្នីសិលា ឃុំបន្ទាយចក្រី ស្រុកព្រះស្ដេច ទី២-ឈ្មោះ ផន ចាន់រ៉ា(ហៅលាន) ភេទប្រុស អាយុ១៦ឆ្នាំ នៅភូមិមុន្នីសិលា ឃុំបន្ទាយចក្រី ស្រុកព្រះស្ដេច។
ក្រោយពីសមត្ថកិច្ចសាកសួរជនសង្ស័យទាំង២នាក់បានឆ្លើយសារភាពថាខ្លួនពិតជាបានលួចម៉ូតូខាងលើពិតប្រាកដមែន។ បច្ចុប្បន្នជនសង្ស័យឃាត់ខ្លួននៅអធិការដ្ឋាននគរបាលស្រុកព្រះស្ដេច ៕
ចំនួនអ្នកទស្សនា
- ថ្ងៃនេះ451
- ម្សិលមិញ9421
- សប្តាហ៍នេះ56111
- ខែនេះ171261
- ឆ្នាំនេះ171261
- សរុប20613717