សង្ស័យខឹងប្រពន្ធស្តីបន្ទោស បុរសម្នាក់ចងក សម្លាប់ខ្លួននៅក្នុងបន្ទប់ដេក
08-August-2018 | ដោយ ពលមនសិការ
ព្រៃវែង៖បុរសម្នាក់បានចងកសម្លាប់ខ្លួនឯងនៅក្នុងបន្ទប់ដេកនៅយប់ថ្ងៃទី០៧ ខែសីហា ឆ្នាំ២០១៨។ ជនរងគ្រោះឈ្មោះនី ប៊ុនថេង ភេទប្រុស អាយុ២៨ឆ្នាំ រស់នៅភូមិគក ឃុំអង្គរទ្រេត ស្រុកស្វាយអន្ទរ ខេត្តព្រៃវែង។
សមត្ថកិច្ចបានឲ្យដឹងនៅព្រឹកថ្ងៃទី០៨ ខែសីហា ឆ្នាំ២០១៨ វេលាម៉ោង ៧និង៣០នាទី ទើបប្រពន្ធបើកទ្វារចូលទៅក្នុងបន្ទប់បានឃើញ ប្តីចងកសម្លាប់ខ្លួន។ តាមការអះអាងរបស់ឈ្មោះឈឺន ចាន់រដ្ឋ ភេទស្រី ត្រូវជាប្រពន្ធរបស់សាកសព
បានបញ្ជាក់ថាកាលពីវេលាម៉ោង៦និង០៥នាទីល្ងាច ខ្លួនបានស្តីបន្ទោសដល់ប្តី ប៉ុន្តែប្តីមិនបានតបតអ្វីទេ ព្រមទាំងមិនបានហូបបាយជាមួយប្រពន្ធផងដែរ។
ក្រោយពីសមត្ថកិច្ច បានធ្វើការពិនិត្យជាក់ស្តែងលើរូបរាងកាយសពបញ្ជាក់ថា ឈ្មោះ នី ប៊ុនថេង ពិតជាបានចងកសម្លាប់ខ្លួនពិតមែន។ ក្រោយមកយើងបានប្រគល់សាកសពជូនក្រុមគ្រួសាសពធ្វើបុណ្យតាមប្រពៃណី ៕
ចំនួនអ្នកទស្សនា
- ថ្ងៃនេះ1261
- ម្សិលមិញ9421
- សប្តាហ៍នេះ56921
- ខែនេះ172071
- ឆ្នាំនេះ172071
- សរុប20614527