បុរសម្នាក់ចូលលួចទ្រព្យសម្បត្តិ ត្រូវប្រជាពលរដ្ឋចាប់ប្រគល់ឲ្យសមត្ថកិច្ច
13-August-2018 | ដោយ ពលមនសិការ
ភ្នំពេញ៖កាលពីថ្ងៃទី១២ ខែសីហា ឆ្នាំ២០១៨ វេលាម៉ោង ០៨ និង០៥នាទី កម្លាំងប៉ុស្តិ៍រដ្ឋបាលគោកឃ្លាង បានឃាត់ខ្លួន ជនសង្ស័យម្នាក់ករណីអំពើលួច (ប៉ុនលួចយកទ្រព្យសម្បត្តិ) នៅចំណុចក្នុងសិប្បកម្មផលិតទឹកក្រូច ផ្លូវបេតុង ភូមិដីថ្មី សង្កាត់គោកឃ្លាង ខណ្ឌសែនសុខ ។
លោកវរសេនីយ៍ទោ គួក សុខហ៊ួរ អធិការរងនគរបាលខណ្ឌសែនសុខបានឲ្យដឹងថាជនសង្ស័យឈ្មោះ អ៊ុំ ម៉ៅ ភេទប្រុសអាយុ៣១ឆ្នាំ មុខរបរមិនពិតប្រាកដ ជនជាតិខ្មែរ ស្នាក់នៅមិនពិតប្រាកដ មានសារធាតុញៀន ។
ជនរងគ្រោះឈ្មោះ ប៊ិច ប៊ី ភេទប្រុស អាយុ៣៩ឆ្នាំ មុខរបរជាងពិដ្ឋាន ជនជាតិខ្មែរ ស្នាក់នៅក្នុងសិប្បកម្មផលិតទឹកក្រូច ផ្លូវបេតុង ភូមិដីថ្មី សង្កាត់គោកឃ្លាង ខណ្ឌសែនសុខ។សម្ភារៈបន្សល់ទុក ៖ ខ្សែពួចំនួន០១ដុំ របស់ជនរងគ្រោះ ។
លោកអធិការរងបន្តថាមុនពេកើតហេតុ ថ្ងៃទី១២ ខែសីហា វេលាម៉ោង០២ និង០៤នាទី ជនរងគ្រោះ ដេកនៅមុខច្រកចូលសិប្បកម្ម បានឮសម្លេងស្រែកថាចោរៗ បន្ទាប់មកជនរងគ្រោះបានដើរទៅមើល ឃើញជនសង្ស័យ នៅក្នុងសិប្បកម្ម ក៏បាននាំគ្នាដេញចាប់ជនសង្ស័យម្នាក់ រហូតដល់ម៉ោង ០៨ និង០០នាទីព្រឹកថ្ងៃទី១៣ ខែសីហា ឆ្នាំ២០១៨ ជនរងគ្រោះបាននាំខ្លួនជនសង្ស័យប្រគល់ឲ្យសមត្ថកិច្ចប៉ុស្តិ៍រដ្ឋបាលគោកឃ្លាងធ្វើការសាកសួ។ បច្ចុប្បន្នជនសង្ស័យកំពុងឃាត់ខ្លួននៅអធិការដ្ឋាននគរបាលខណ្ឌសែនសុខ ដើម្បីអនុវត្តតាមនិតិវិធី៕
ចំនួនអ្នកទស្សនា
- ថ្ងៃនេះ7701
- ម្សិលមិញ16391
- សប្តាហ៍នេះ53931
- ខែនេះ169081
- ឆ្នាំនេះ169081
- សរុប20611537