កម្លាំងប៉ុស្តិ៍រដ្ឋបាលគោកឃ្លាង បានឃាត់ខ្លួនជនសង្ស័យម្នាក់ ករណីប្រើប្រាស់ដោយខុសច្បាប់នូវសារធាតុញៀន
31-August-2018 | ដោយ ពលមនសិការ
ភ្នំពេញ៖ នៅថ្ងៃទី៣១ ខែសីហា ឆ្នាំ២០១៨ វេលាម៉ោង០០ និង៣០នាទី កម្លាំងប៉ុស្តិ៍រដ្ឋបាលគោកឃ្លាង បានឃាត់ខ្លួនជនសង្ស័យម្នាក់ ករណីប្រើប្រាស់ដោយខុសច្បាប់នូវសារធាតុញៀន នៅចំណុចតាមផ្លូវបេតុង ភូមិច្រេស សង្កាត់គោកឃ្លាង ខណ្ឌសែនសុខ។
លោកវរសេនីយ៍ឯក ហ៊ួរ ម៉េងវ៉ាង អធិការនគរបាលខណ្ឌសែនសុខបានឲ្យដឹងថាជនសង្ស័យឈ្មោះ លន់ សុភា ភេទប្រុស អាយុ១៩ឆ្នាំ ជនជាតិខែ្មរ មុខរបរមិនពិតប្រាកដ ស្នាក់នៅភូមិច្រេស សង្កាត់គោកឃ្លាង ខណ្ឌសែនសុខ។
លោកអធិការបន្តថា មុនពេលឃាត់ខ្លួនជនសង្ស័យខាងលើកម្លាំងល្បាតប៉ុស្តិ៍រដ្ឋបាលគោកឃ្លាងបានទទួលព័ត៌មានក្រុមគ្រួសារជនសង្ស័យ ថាជនសង្ស័យកំពុងឡូឡា និងអុកឡុកក្នុងផ្ទះ ក្រោយពីទទួលព័ត៌មានមាន សមត្ថកិច្ចយើងចុះដល់ចំណុចកើតហេតុខាងលើនាំខ្លួនជនសង្ស័យ យកមកធ្វើការសាកសួរ និងត្រួតពិនិត្យទឹកនោមរកសារធាតុញៀន នៅអធិការដ្ឋាននគរបាលខណ្ឌសែនសុខ។ បច្ចុប្បន្នជនសង្ស័យកំពុងឃាត់ខ្លួននៅអធិការដ្ឋាននគរបាលខណ្ឌសែនសុខ ដើម្បីអនុវត្តតាមនិតិវិធី៕
ចំនួនអ្នកទស្សនា
- ថ្ងៃនេះ3871
- ម្សិលមិញ16391
- សប្តាហ៍នេះ50101
- ខែនេះ165251
- ឆ្នាំនេះ165251
- សរុប20607707