បុរសម្នាក់ជិះម៉ូតូបុកគោយន្តកន្ត្រៃពីក្រោយបណ្តាលឱ្យស្លាប់ នៅឃុំឈើតុំ
04-September-2018 | ដោយ ពលមនសិការ
ពោធិ៍សាត់៖ កាលពីថ្ងៃអង្គារ៍ ៩រោច ខែស្រាពណ៌ ឆ្នាំច សំរិទ្ធិស័ក ព.ស២៥៦២ វេលាម៉ោង១៩និង៣០នាទី ថ្ងៃទី៣ ខែកញ្ញា ឆ្នាំ២០១៨ មានករណីគ្រោះថ្នាក់ចរាចរណ៍មួយដោយជនរងគ្រោះឈ្មោះឆាន វីរៈ ភេទប្រុស អាយុ១៨ឆ្នាំ ជនជាតិខ្មែរ រស់នៅភូមិកាប៉ាស់ ឃុំឈើតុំ ស្រុកក្រគរ ខេត្តពោធិ៍សាត់ជិះម៉ូតូបុកគោយន្តពីក្រោយបណ្តាលឱ្យស្លាប់ភ្លាមៗនៅនិងកន្លែង កើតឡើងនៅលើផ្លូវក្រាសគ្រួសក្រហមមួយខ្សែនៅត្រង់ចំណុចបង្គោលអង់តែន០១២ ស្ថិតក្នុងភូមិទួលត្បែង ឃុំឈើតុំ ស្រុកក្រគរ ខេត្តពោធិ៍សាត់។
ប្រភពព័ត៌មាននៅកន្លែងកើតហេតុបានប្រាប់ឱ្យដឹងថា មុនពេលកើតហេតុ គេឃើញមានអ្នកបើកបរគោយន្តកន្ត្រៃមួយគ្រឿងធ្វើដំណើរលើផ្លូវក្រាលគ្រួសក្រហម មួយសន្ទុះក្រោយមកស្រាប់តែមានបុរសវ័យក្មេងម្នាក់ជិះម៉ូតូម៉ាកហុងដាសេ១២៥ ពណ៌ខ្មៅ ពាក់ស្លាក លេខតាកែវ 1C-8483 ធ្វើដំណើរស្របទិគ្នា បើកបោះពួយយ៉ាងលឿនទៅបុកពីក្រោយគោយន្តកន្ត្រៃដែលបើកបរពីមុខធ្វើឱ្យបុរសរងគ្រោះខាងលើដួលបោកក្បាលទៅនិងថ្នល់ស្លាប់ភ្លាមៗនៅនិងកន្លែង។
លោកនាយប៉ុស្តិ៍នគរបាលរដ្ឋបាលឈើតុំ បានអះអាងថា ករណីគ្រោះថ្នាក់ខាងលើបណ្តាលមកពីអ្នកបើកម៉ូតូបើកបរក្នុងល្បឿនលឿននិងគ្មានការប្រុងប្រយ័ត្នទើបបណ្តាលឱ្យមានគ្រោះថ្នាក់ដល់អាយុជីវិតបែបនេះ។ ក្រោយពេលកើតហេតុអ្នកបើកបរគោយន្តកន្ត្រៃបានបើកគេចខ្លួនបាត់ សាកសពបានប្រគល់ជូនក្រុមគ្រួសារធ្វើបុណ្យតាមប្រពៃ៕
ចំនួនអ្នកទស្សនា
- ថ្ងៃនេះ3831
- ម្សិលមិញ16391
- សប្តាហ៍នេះ50061
- ខែនេះ165211
- ឆ្នាំនេះ165211
- សរុប20607667