ស្នងការនគរបាលខេត្តតាកែវ ដឹកនាំកម្លាំងពន្លត់អគ្គិភ័យ ជួយសង្គ្រោះប្រជាពលរដ្ឋ ឆេះផ្សារព្រៃល្វា
05-September-2018 | ដោយ ពលមនសិការ
តាកែវ៖ នៅថ្ងៃពុធ ១០រោច ខែស្រាពណ៍ ឆ្នាំច សំរឹទ្ធិស័ក ព.ស ២៥៦២ ត្រូវនិងថ្ងៃទី០៥ ខែកញ្ញា ឆ្នាំ២០១៨ វេលាម៉ោង០១និង៥៥នាទីយប់ ក្រោយពេលទទួលព័ត៌មានរាយការណ៍ពីប្រជាពលរដ្ឋថាៈ មានករណីអគ្គិភ័យឆាបឆេះមួយបានកើតឡើងនៅចំណុចផ្សារព្រៃល្វា ក្នុងស្រុកព្រៃកប្បាស ភ្លាមនោះ ឯកឧត្តម ឧត្តមសេនីយ៍ទោ សុខ សំណាង ស្នងការ នៃស្នងការដ្ឋាននគរបាលខេត្តតាកែវ បានចុះដឹកនាំបញ្ជាដោយផ្ទាល់កម្លាំងជំនាញបង្កាពន្លត់អគ្គិភ័យ និងសង្គ្រោះនៃស្នងការដ្ឋាន និងកម្លាំង នៃអធិការដ្ឋាននគរបាលស្រុកព្រៃកប្បាស អង្គរបូរី និងសំរោង ដើម្បីចុះជួយអន្តរាគមន៍សង្គ្រោះ នៅកន្លែងកើតហេតុអគ្គិភ័យឆាបឆេះនោះ។
យោងតាមរបាយការណ៍របស់លោក វរសេនីយ៍ឯក ជុំ ឈឿន អធិការនគរបាលស្រុកព្រៃកប្បាសបានឱ្យដឹងថា ក្នុងកិច្ចប្រតិបត្តិការជួយសង្គ្រោះ នេះប្រើប្រាស់រថយន្តពន្លត់អគ្គិភ័យ០៣គ្រឿង បាញ់ទឹកពន្លត់អស់ចំនួន១៥រថយន្ត និងមានការសហការពីប្រជាពលរដ្ឋជួយដងទឹកជះពន្លត់ទើបគ្រប់គ្រងស្ថានភាពបានទាំងស្រុង។
អគ្គិភ័យឆេះនោះចេញពីតូបលក់ឥវ៉ាន់ចាប់ហួយ និងសម្ភារៈរបស់ឈ្មោះ សួយ និងឈ្មោះ ជា តាមការសន្និដ្ឋានជំហានដំបូង មូលហេតុដែលបណ្តាលឲ្យមានអគ្គិភ័យឆាបឆេះ គឺបណ្តាលមកពីទុសេខ្សែភ្លើង បើតាមការស្រង់ទិន្នន័យបឋមខូចខាតអស់ប្រហែល៥% នៃទំហំផ្សារទាំងមូល រីឯទីតាំងដែលឆាបឆេះដំបូងខូចខាតអស់៩០%៕
ចំនួនអ្នកទស្សនា
- ថ្ងៃនេះ3161
- ម្សិលមិញ16391
- សប្តាហ៍នេះ49391
- ខែនេះ164541
- ឆ្នាំនេះ164541
- សរុប20606997