កម្លាំងប៉ុស្តិ៍រដ្ឋបាលភ្នំពេញថ្មី ឃាត់ខ្លួនជនសង្ស័យម្នាក់ ករណីជួញដូរដោយខុសច្បាប់នូវសារធាតុញៀន
15-September-2018 | ដោយ ពលមនសិការ
ភ្នំពេញ៖កម្លាំងប៉ុស្តិ៍រដ្ឋបាលភ្នំពេញថ្មីឃាត់ខ្លួនជនសង្ស័យម្នាក់ករណីជួញដូរដោយខុសច្បាប់នូវសារធាតុញៀន នៅចំណុចតាមផ្លូវបេតុង ភូមិទំនប់ សង្កាត់ភ្នំពេញថ្មី ខណ្ឌសែនសុខ នៅថ្ងៃទី១៤ ខែកញ្ញា ឆ្នាំ២០១៨ វេលាម៉ោង១៣និង៣០នាទី។
លោកវរសេនីយ៍ទោ គួក សុខហ៊ួរ អធិការរងនគរបាលខណ្ឌសែនសុខបានឱ្យដឹងថាជនសង្ស័យឈ្មោះជា ដារ៉ា ភេទប្រុស អាយុ២៧ឆ្នាំ ជនជាតិខែ្មរ មុខរបរមិនពិតប្រាកដ ស្នាក់នៅបន្ទប់ជួល ភូមិទំនប់ សង្កាត់ភ្នំពេញថ្មី ខណ្ឌសែនសុខ។វត្ថុតាងចាប់យក៖ក្រាមសថ្លាចំនួន ១៣កូនថង់តូចនិងជញ្ជីងថ្លឹងគ្រឿងញៀនមួយ។
លោកអធិការរងបន្តថាមុនពេលឃាត់ខ្លួនជនសង្ស័យខាងលើកម្លាំងល្បាតប៉ុស្តិ៍ភ្នំពេញថ្មីបានល្បាតក្នុងភូមិសាស្ត្រដល់ចំណុចកើតហេតុខាងលើឃើញជនសង្ស័យកំពុងដើរតាមផ្លូវដោយមានការសង្ស័យកម្លាំងល្បាតយើងហៅជនសង្ស័យឲ្យឈប់ ត្រួតពិនិត្យលើដងខ្លួនរកឃើញវត្ថុតាងលើនៅក្នុងហោប៉ៅខោខាងស្តាំ។
សមត្ថកិច្ចយើងបានធ្វើកំណត់ហេតុចាប់យកវត្ថុតាងរួចបាននាំខ្លួនជនសង្ស័យយកមកធ្វើការសាកសួរនៅអធិការដ្ឋាននគរបាលខណ្ឌសែនសុខតែម្តង។បច្ចុប្បន្នជនសង្ស័យកំពុងឃាត់ខ្លួននៅអធិការដ្ឋាននគរបាលខណ្ឌសែនសុខ ដើម្បីអនុវត្តតាមនិតិវិធី ៕
ចំនួនអ្នកទស្សនា
- ថ្ងៃនេះ2501
- ម្សិលមិញ16391
- សប្តាហ៍នេះ48731
- ខែនេះ163881
- ឆ្នាំនេះ163881
- សរុប20606337