កម្លាំងប៉ុស្តិ៍រដ្ឋបាលទឹកថ្លាបានឃាត់ខ្លួនជនសង្ស័យម្នាក់ករណីអំពើលួច
15-September-2018 | ដោយ ពលមនសិការ
ភ្នំពេញ៖កាលពីថ្ងៃទី១៤ ខែកញ្ញា ឆ្នាំ២០១៨វេលាម៉ោង១១ និង៣០នាទី កម្លាំងប៉ុស្តិ៍រដ្ឋបាលទឹកថ្លាបានឃាត់ខ្លួនជនសង្ស័យម្នាក់ករណីអំពើលួច (រូតកាបូបស្ពាយយកកាបូបមានប្រាក់) នៅចំណុចក្នុងផ្សារទឹកថ្លា ភូមិផ្សារទឹកថ្លា សង្កាត់ទឹកថ្លា ខណ្ឌសែនសុខ។
លោកវរសេនីយ៍ឯក ហ៊ួរ ម៉េងវ៉ាង អធិការខណ្ឌសែនសុខបានឱ្យដឹងថាជនសង្ស័យឈ្មោះហន តុលា ភេទស្រី អាយុ១៨ឆ្នាំ ជនជាតិខ្មែរ មុខរបរមិនពិតប្រាកដ ស្នាក់នៅក្នុងភូមិកណ្តឹងតូច ឃុំកណ្តឹងធំ ស្រុកបាទី ខេត្តតាកែវ។
ជនងគ្រោះឈ្មោះពៅ គឹមស្រ័ង ភេទស្រី អាយុ២៦ឆ្នាំ ជនជាតិខ្មែរ មុខរបរបុគ្គលិកក្រុមហ៊ុន ស្នាក់នៅបន្ទប់ជួល ផ្លូវបេតុង ភូមិបូរី១០០ខ្នង សង្កាត់ទឹកថ្លា ខណ្ឌសែនសុខ។
សម្ភារៈបន្សល់ទុក៖កូនកាបូបដៃពណ៌ស្វាយចំនួន០១,លុយរៀលចំនួន៦០.០០០រៀល,លុយដុល្លារចំនួន៨០ដុល្លារ (ប្រគល់ឲ្យជនរងគ្រោះវិញ)និងកូនកន្ត្រៃកាត់មាសមួយ។
លោកអធិការបន្តថាមុនពេលកើតហេតុជនរងគ្រោះបានជិះម៉ូតូរបស់ខ្លួន នៅក្នុងផ្សារទឹកថ្លា រកទិញផ្លែឈើ ស្រាប់តែមានជនសង្ស័យខាងលើ បានធ្វើសកម្មភាព រូតកាបូបស្ពាយខាងក្រោយខ្នង របស់ជនរងគ្រោះយកកាបូបប្រាក់ តែត្រូវជនរងគ្រោះឃើញស្រែកថាចោរៗនិងចាប់បានជនសង្ស័យខាងលើប្រគល់ឲ្យសមត្ថិកិច្ចប៉ុស្តិ៍រដ្ឋបាលទឹកថ្លា ធ្វើការសាកសួរ រួចជនរងគ្រោះបានដាក់ពាក្យបណ្តឹងចោទប្រកាន់ជនសង្ស័យតែម្តង។បច្ចុប្បន្នជនសង្ស័យកំពុងឃាត់ខ្លួននៅអធិការដ្ឋាននគរបាលខណ្ឌសែនសុខ ដើម្បីអនុវត្តតាមនិតិវិធី ៕
ចំនួនអ្នកទស្សនា
- ថ្ងៃនេះ2411
- ម្សិលមិញ16391
- សប្តាហ៍នេះ48641
- ខែនេះ163791
- ឆ្នាំនេះ163791
- សរុប20606247