មុខសញ្ញាឆក់២នាក់ ត្រូវនគរបាលព្រហ្មទណ្ឌកម្រិតស្រាលរាជធានីភ្នំពេញឃាត់ខ្លួនបញ្ជូនទៅតុលាការ
29-October-2018 | ដោយ ពលមនសិការ
ភ្នំពេញ៖ លោកវរសេនីយ៍ឯក ប៊ុន សត្យា នាយការិយាល័យនគរបាលព្រហ្មទណ្ឌកម្រិតស្រាលនៃស្នងការដ្ឋាននគរបាលរាជធានីភ្នំពេញដឹកនាំកម្លាំងជំនាញស្រាវជ្រាវឃាត់ខ្លួនជនសង្ស័យ២នាក់ នៅចំណុចផ្លូវលំ ភូមិបន្លាស្អិត សង្កាត់ឃ្មួញ ខណ្ឌសែនសុខ រាជធានីភ្នំពេញ ពាក់ព័ន្ធករណីលួចមានស្ថានទម្ងន់ទោស(ជិះម៉ូតូឆក់ទូរស័ព្ទដៃម៉ាក IPhone 7Plus ពណ៌ខ្មៅ) ប្រព្រឹត្តនៅចំណុចមុខផ្ទះលេខ១៣ ផ្លូវហាណូយ ភូមិបន្លាស្អិត សង្កាត់ឃ្មួញ ខណ្ឌសែនសុខ រាជធានីភ្នំពេញកាលពីថ្ងៃទី២៧ ខែតុលា ឆ្នាំ២០១៨ វេលាម៉ោង១៥និង៥០នាទី។
លោកនាយការិយាល័យបន្តថាជនសង្ស័យទាំង២នាក់រួមមានទី១-ឈ្មោះ ឃឺន រ៉ានិត ហៅរ៉ា ភេទ ប្រុស អាយុ១៨ឆ្នាំ ជនជាតិខ្មែរ មុខរបរមិនពិតប្រាកដ ទីលំនៅបច្ចុប្បន្នផ្ទះគ្មានលេខ ផ្លូវលំ ភូមិបន្លាស្អិត សង្កាត់ឃ្មួញ ខណ្ឌសែនសុខ រាជធានីភ្នំពេញ ទី២-ឈ្មោះ ស៊ិន វិសាល ភេទប្រុស អាយុ១៩ ឆ្នាំ ជនជាតិខ្មែរ មុខរបរមិនពិតប្រាកដ ទីលំនៅបច្ចុប្បន្នផ្ទះមិនចាំលេខ ផ្លូវលំ ភូមិច្រេស សង្កាត់ឃ្មួញ ខណ្ឌសែនសុខ។
វត្ថតាងជាមធ្យបាយធ្វើសកម្មភាពដែលចាប់យកបានៈម៉ូតូម៉ាកហុងដាសេ១២៥ ពណ៌ខ្មៅ ផលិតឆ្នាំ២០១៨ លេខតួ-លេខម៉ាស៊ីន៩៤៨៣៣៧៣ ពាក់ស្លាកលេខ ភ្នំពេញ1FO-3003 ចាប់យកពីឈ្មោះ ឃឺន រ៉ានិត ហៅរ៉ា,ម៉ូតូម៉ាកស៊ុយហ្សុយគីឡេត ពណ៌សលាយត្រួយចេក ផលិតឆ្នាំ២០១៥ លេខតួ-លេខម៉ាស៊ីន១១៤៣១៣ ពាក់ស្លាកលេខ ភ្នំពេញ1HF-7259 ចាប់យកពីឈ្មោះ ស៊ិន វិសាល។
ចំណែកជនរងគ្រោះឈ្មោះ ប៊ិន គង្គាពិសី ភេទស្រី អាយុ១៣ឆ្នាំ ជនជាតិខ្មែរ មុខរបរសិស្ស ស្នាក់នៅផ្ទះគ្មានលេខ ផ្លូវលំ ភូមិបន្លាស្អិត សង្កាត់ឃ្មួញ ខណ្ឌសែនសុខ រាជធានីភ្នំពេញ។សម្ភារៈបាត់បង់ៈទូរស័ព្ទដៃម៉ាក IPhone7Plus ពណ៌ខ្មៅ។ បច្ចុប្បន្នជនសង្ស័យ និងវត្ថុតាង ខាងលើ ការិយាល័យ បានបញ្ជូនទៅសាលាដំបូងរាជធានីភ្នំពេញចាត់ការតាមនីតិវិធី៕
ចំនួនអ្នកទស្សនា
- ថ្ងៃនេះ2081
- ម្សិលមិញ16391
- សប្តាហ៍នេះ48311
- ខែនេះ163461
- ឆ្នាំនេះ163461
- សរុប20605917