ក្រសួងការពារជាតិ និងបញ្ជូនកងវិស្វកម្មលេខ៥៩៤ ចំនួន២១៦នាក់ ទៅចូលរួមបេសកកម្មរក្សាសន្តិភាព អ.ស.ប នៅសាធារណរដ្ឋអាហ្វ្រិកកណ្តាល
31-October-2018 | ដោយ ពលមនសិការ
ភ្នំពេញ៖ យោងតាមកិច្ចព្រមព្រៀង រវាងរាជរដ្ឋាភិបាលនៃព្រះរាជាណាចក្រកម្ពុជា និងអង្គការសហប្រជាជាតិ(អ.ស.ប) ក្រសួងការពារជាតិ និងបញ្ជូនកងវិស្វកម្មលេខ៥៩៤ ចំនួន២១៦នាក់ ក្នុងនោះរួមមាននារី១០នាក់ ទៅចូលរួមបេសកកម្មរក្សាសន្តិភាព អ.ស.ប នៅសាធារណរដ្ឋអាហ្វ្រិកកណ្តាល ដែលពិធីជូនដំណើរនឹងប្រព្រឹត្តទៅក្រោមអធិបតីភាព ឯកឧត្តម នាយឧត្តមសេនីយ៍ ប៉ុល សារឿន ទេសរដ្ឋមន្ត្រី ទទួលបន្ទុកបេសកកម្មពិសេនៅវេលាម៉ោង៨ព្រឹកថ្ងៃទី០២ ខែវិច្ឆិកា ឆ្នាំ២០១៨ នៅមូលដ្ឋានទ័ពអាកាសពោធិ៍ចិនតុង រាជធានីភ្នំពេញ។
ដោយឡែក កម្មវិធីមាតុភូមិនិវត្តន៍នៃកងវិស្វកម្មលេខ៨៥៤ ចំនួន១៦នាក់ ក្នុងនោះរួមមាននារីចំនួន១៤នាក់ពីសាធារណរដ្ឋអាហ្វ្រិកកណ្តាល និងកងរាជអាវុធហត្ថលេខ៦១៨ ចំនួន៧៣នាក់ រួមទាំងនាទី៩នាក់ ពីសាធារណរដ្ឋស៊ូដង់ខាងត្បូង និងត្រូវបានរៀបចំឡើង ក្រោមអធិបតីភាព សម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ តំណាងសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា នៅវេលាម៉ោង០៣និង៣០នាទីរសៀលថ្ងៃទី០៣ ខែវិច្ឆិកា ឆ្នាំ២០១៨ នៅមូលដ្ឋានទ័ពអាកាសពោធិចិនតុង រាជធានីភ្នំពេញ៕
ចំនួនអ្នកទស្សនា
- ថ្ងៃនេះ2331
- ម្សិលមិញ16391
- សប្តាហ៍នេះ48561
- ខែនេះ163711
- ឆ្នាំនេះ163711
- សរុប20606167