ជនជាតិកូរ៉េម្នាក់ ត្រូវនគរបាលឃាត់ខ្លួន ពាក់ព័ន្ធកាន់ដុំថ្មក្នុងដៃរកវាយអ្នកធ្វើដំណើរតាមដងផ្លូវ
02-November-2018 | ដោយ ពលមនសិការ
ភ្នំពេញ៖ នៅថ្ងៃសុក្រ ៩រោច ខែអស្សុជ ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី០២ ខែវិច្ឆិកា ឆ្នាំ២០១៨ វេលាម៉ោង០៩និង៣០នាទី កម្លាំងការិយាល័យស៊ើបអង្កេត និងអនុវត្តនីតិវិធី ផែនការងារអន្តោប្រវេសន៍បានទទួលជនជាតិកូរ៉េម្នាក់ ពីកម្លាំងនគរបាលប៉ុស្តិ៍ទន្លេបាសាក់ ខណ្ឌចំការមន ករណីជនបរទេសខាងលើ កាន់ដុំថ្មក្នុងដៃរកវាយអ្នកធ្វើដំណើរតាមដងផ្លូវ នៅម្ដុំមុខសណ្ឋាគារណាហ្គា។
លោកវរសេនីយ៍ទោ ជា ចិត្រា នាយការិយាល័យស៊ើបអង្កេតនិងអនុវត្តន៍នីតិវិធីរាជធានីភ្នំពេញបានឲ្យដឹងថាជនបរទេសខាងលើឈ្មោះLEE DONGHO ភេទប្រុស អាយុ៤៩ឆ្នាំ ជនជាតិកូរ៉េ ហើយជនបរទេសនេះចូលមក ប្រទេសកម្ពុជាលើកដំបូងនៅក្នុង ឆ្នាំ២០១៥ តាមច្រកព្រលានយន្តហោះអន្តរជាតិភ្នំពេញ និងបានចេញចូលប្រទេសកម្ពុជាប្រហែល២០លើកហើយ គោលបំណងទេសចរណ៍។ តាមការសាកសួរបានអោយដឹងថា លិខិតឆ្លងដែនជននេះបាន (លើសទិដ្ឋាការស្នាក់នៅ ថ្ងៃទី១១ ខែតុលា ឆ្នាំ២០១៨)។ បបច្ចុប្បន្នបានឃាត់ខ្លួនបញ្ជូនទៅអគ្គនាយកដ្ឋានដើម្បីអនុវត្តនីតិវិធីបន្តនៃច្បាប់៕
ចំនួនអ្នកទស្សនា
- ថ្ងៃនេះ1811
- ម្សិលមិញ16391
- សប្តាហ៍នេះ48041
- ខែនេះ163191
- ឆ្នាំនេះ163191
- សរុប20605647