ជនជាតិវៀតណាម៧នាក់ ពាក់ព័ន្ធករណីជួញដូរនិងប្រើប្រាស់គ្រឿងញៀនត្រូវនគរបាលខេត្តស្វាយរៀងឃាត់ខ្លួន
02-November-2018 | ដោយ ពលមនសិការ
ស្វាយរៀង៖ កាលពីថ្ងៃទី០១ ខែវិច្ឆិកា ឆ្នាំ២០១៨ វេលាម៉ោង១៩និង៣០នាទី កម្លាំងជំនាញអធិការដ្ឋានគរបាលក្រុងបាវិត សហការជាមួយកម្លាំងជំនាញការិយាល័យប្រឆាំងបទល្មើសគ្រឿងញៀន ឃាត់ខ្លួនជនសង្ស័យចំនួន០៧នាក់ ពាក់ព័ន្ធករណីជួញដូរនិងប្រើប្រាស់គ្រឿងញៀន។
ជនសង្ស័យទី១-ឈ្មោះង្វៀង យ៉ឹងឡាក់ ភេទប្រុស អាយុ២៨ឆ្នាំ ជនជាតិវៀតណាម មានទីលំនៅភូមិធឹងតី ឃុំឡើយធឹង ស្រុកបេនកូវ ខេត្តតៃនិញ, ទី២-ឈ្មោះហ៊ឹង ត្រឹងយ៉ុង ភេទប្រុស អាយុ៤២ឆ្នាំ ជនជាតិវៀតណាម មានទីលំនៅភូមិប៊ិនវ៉ា ឃុំប៊ិនថាន់ ស្រុកត្រាងបាង ខេត្តតៃនិញ,ទី៣-ឈ្មោះ ឡេ ធីអាន់ទៀក ភេទស្រី អាយុ៣៦ឆ្នាំ ជនជាតិវៀតណាម មានទីលំនៅតីខាន់៥ សង្កាត់មីវ៉ា ក្រុងឡុងសៀង ខេត្តអាងយ៉ាង,ទី៤-ឈ្មោះ យ៉ កុងថាន់ ភេទប្រុស អាយុ៣៩ឆ្នាំ ជនជាតិវៀតណាម មានទីលំនៅភូមិឡុងធិន ឃុំឡុងថាន់ ស្រុកបេនកូវ ខេត្តតៃនិញ,ទី៥-ឈ្មោះយ៉ យ៉ាំងអៀង ភេទប្រុស អាយុ៣១ឆ្នាំ ជនជាតិវៀតណាម មានទីលំនៅភូមិឡុងធិន ឃុំឡុងថាន់ ស្រុកបេនកូវ ខេត្តតៃនញ,ទី៦-ឈ្មោះ យ៉ ធីទុកលិន ភេទស្រី អាយុ២២ឆ្នាំ ជនជាតិវៀតណាម មានទីលំនៅសង្កាត់ហ៊ឹងថាន់ ខេត្តដុងថាប និង៧-ឈ្មោះ ដាំង វ៉ាន់ថាំ ភេទប្រុស អាយុ៣៤ឆ្នាំ ជនជាតិវៀតណាម មានទីលំនៅភូមិចាន់ឃុំអាន់ថាន់ ស្រុកបេនកូវ ខេត្តតៃនិញ។
ក្នុងពេលចុះប្រតិបត្តិការបង្ក្រាបចុងក្រោយមុខសញ្ញាដែលជាមេខ្លោងជួញដូរចែកគ្រឿងញៀនឈ្មោះដាំង វ៉ាន់ថាំ បានជិះម៉ូតូគេចខ្លួនសមត្ថកិច្ចយើងដេញតាមប្រមាញ់ក៏មានផ្ទុះអាវុធចំនួន០៣គ្រាប់ទើបឃាត់ខ្លួនជនសង្ស័យបាន។ សមត្ថកិច្ចយើងបានធ្វើតេស្តទឹកម៉ូតស្វែងរកសារធាតុញៀនលើជនសង្ស័យជាលទ្ធផលជនសង្ស័យមានផ្ទុកសារធាតុញៀនទាំង០៧នាក់។
ដកហូតសម្ភារ:វត្ថុតាងរួមមានៈម្សៅក្រាមព៌ណសថ្លាសង្ស័យថ្នាំញៀនមេតំហ្វេតាមីនអាយចំនួន១១កញ្ចប់ (ធំ០២កញ្ចប់តូច០៩កញ្ចប់),ទូរស័ព្ទដៃចំនួន០៥គ្រឿង,ម៉ូតូចំនួន០២គ្រឿង,ជញ្ជីងថ្លឹងគ្រឿញៀចំនួន០១គ្រឿងនិងសម្ភារ:សម្រាប់ជក់គ្រឿងញៀនមួយចំនួន។បច្ចុប្បន្នជនសង្ស័យទាំងនាក់រួមទាំវត្ថុតាងសមត្ថកិច្ចយើងកំពុងកសងសំណុំរឿងដើម្បីបញ្ជូនទៅការិយាល័យជំនាញចាត់ការបន្ត៕
ចំនួនអ្នកទស្សនា
- ថ្ងៃនេះ451
- ម្សិលមិញ16391
- សប្តាហ៍នេះ46681
- ខែនេះ161831
- ឆ្នាំនេះ161831
- សរុប20604287