ម៉ូតូបុកម៉ូតូបណ្តាលឲ្យស្លាប់ម្នាក់ និងរបួសធ្ងន់ស្រាល ២នាក់ នៅក្រុងបាវិត
02-November-2018 | ដោយ ពលមនសិការ
ស្វាយរៀង៖ កាលពីថ្ងៃទី០១ ខែវិច្ឆិកា ឆ្នាំ២០១៨ វេលាម៉ោង២៣និង៤៥នាទី នៅលើផ្លូវជាតិលេខ០១ ត្រង់ចំណុចគីឡូម៉ែត្រលេខ១៦៥-១៦៦ ស្ថិតក្នុងភូមិបាវិតកណ្តាល សង្កាត់/ក្រុងបាវិត ខេត្តស្វាយរៀងមានករណីគ្រោះថ្នាក់ចរាចរណ៍មួយកើតឡើងរវាងម៉ូតូនិងម៉ូតូក្នុងទិសដៅបញ្ច្រាសទិសគ្នាពីកើតទៅលិច។
មន្ត្រីនគរបាលខេត្តស្វាយរៀងបានឲ្យដឹងថាមុនពេលកើតហេតុមានម៉ូតូ០១គ្រឿងម៉ាកហុងដាC125 ផលិត២០១៦ ពណ៌ខ្មៅបើកបរដោយឈ្មោះភោគ សម្បត្តិ ភេទប្រុស អាយុ២០ឆ្នាំ ជនជាតិខ្មែរ មានទីលំនៅភូមិបាវិតកណ្តាលសង្កាត់/ ក្រុងខេត្តស្វាយរៀង បើកបរពីកើតទៅលិចលុះមកដល់ចំណុចកើតហេតុខាងលើ ក៏បានបុកប៉ះនិងម៉ូតូ០១គ្រឿងបណ្តាលអោយដួលបោកក្បាលស្លាប់នៅនិងកន្លែងកើតហេតុម៉ូតូម៉ាកស្កុបពី ពណ៌ក្រហម ពាក់ស្លាកលេខ (គ្មានពាក់មួកសុវត្ថិភាពមានកញ្ចក់មើលក្រោយ) បើកបរដោយឈ្មោះ ឈៀក សុភ័ក្រ ភេទប្រុស អាយុ១៥ឆ្នាំ ជនជាតិខ្មែរ មុខរបរបុគ្គលិកហាងចិនមានទីលំនៅភូមិអូតាប្រាង សង្កាត់អូតាប្រាង ក្រុងប៉ៃលិនខេត្តប៉ៃលិន។ បណ្តាលឲ្យរងរបួសស្រាលនិងអ្នករួមដំណើម្នាក់ឈ្មោះ ផាន់ អេម ភេទប្រុស អាយុ២១ឆ្នាំ ជនជាតិខ្មែរ មុខរបរបុគ្គលិកហាងចិនមានទីលំនៅភូមិអង្គឬស្សី ឃុំស្វាយធំ ស្រុកស្វាយជ្រំ ខេត្តស្វាយរៀង រងរបួសធ្ងន់(បាក់ជើងឆ្វេង)។ មូលហេតុ អ្នកបើកម៉ូតូC.125ប្រើប្រាស់ល្បឿនលឿន។
បច្ចុប្បន្នសាកសពត្រូវបានសមត្ថកិច្ចយើងប្រគល់ជូនក្រុមគ្រួសារយកទៅធ្វើបុណ្យតាមប្រពៃណី។ ចំណែកអ្នករងរបួសត្រូវបានយកទៅសំរាកព្យាបាលនៅមន្ទីរពេទ្យបង្អែកខេត្តស្វាយរៀង។រីឯវត្ថុតាងម៉ូតូ០២គ្រឿងសមត្ថកិច្ចយើងយកមករក្សាទុកនៅអធិការដ្ឋាននគរបាលក្រុងបាវិតដើម្បីបំពេញសំណុំរឿងបញ្ជួនទៅការរិយាល័យជំនាញខេត្តចាត់ការបន្ត៕
ចំនួនអ្នកទស្សនា
- ថ្ងៃនេះ951
- ម្សិលមិញ16391
- សប្តាហ៍នេះ47181
- ខែនេះ162331
- ឆ្នាំនេះ162331
- សរុប20604787