ជនសង្ស័យ៣នាក់រក្សាទុកគ្រឿងញៀនជាប់ខ្លួន ត្រូវកម្លាំងនគរបាលប៉ុស្តិ៍រដ្ឋបាលផ្សារដេប៉ូទី៣ ឃាត់ខ្លួន
10-November-2018 | ដោយ ពលមនសិការ
ភ្នំពេញ៖ ជនសង្ស័យ៣នាក់រក្សាទុកដោយខុសច្បាប់នូវសារធាតុញៀនត្រូវបានកម្លាំងនគរបាលប៉ុស្តិ៍រដ្ឋបាលផ្សារដេប៉ូទី៣ នៃអធិការរដ្ឋាននគរបាលខណ្ឌទួលគោក ឃាត់ខ្លួននៅថ្ងៃទី១០ ខែវិច្ឆិកា ឆ្នាំ២០១៨ វេលាម៉ោង១និង១០នាទី នៅចំណុចមុខផ្ទះលេខ៣៩Eo ផ្លូវ១២៨ កែងផ្លូវ២២១ ក្រុមទី៣២ ភូមិ៩ សង្កាត់ផ្សារដេប៉ូទី៣ ខណ្ឌទួលគោក រាជធានីភ្នំពេញ។
លោកវរសេនីយ៍ទោ សុខ ហេង អធិការនគរបាលខណ្ឌទួលគោកបានឲ្យដឹងថាជនសង្ស័យទី១-ឈ្មោះ អាណន់ រាជដាសីវ ហៅរាជសី ភេទប្រុស អាយុ៣៣ឆ្នាំ ជនជាតិខ្មែរ មុខរបររើសអេតចាយ ស្នាក់ពុំពិតប្រាកដ (ដេកចល័តតាមផ្លូវ) (ម្ចាស់ថ្នាំ), ទី២-ឈ្មោះ ប៉ុល ឌីណា ហៅម៉ៅ ភេទប្រុស អាយុ៣៧ឆ្នាំ ជនជនខ្មែរ មុខរបររើសអេតចាយ ស្នាក់ពុំពិតប្រាកដ (ដេកចល័តតាមផ្លូវ) និងទី៣-ឈ្មោះ សំ សុភាព ហៅម៉ៅ ជនជាតិខ្មែរ មុខរបររើសអេតចាយ ស្នាក់ពុំពិតប្រាកដ (ដេកចល័តតាមផ្លូវ)។
ដកហូតវត្ថុតាងៈក្រាមពណ៌សថ្លា (សង្ស័យគ្រឿងញៀន) ចំនួន០១កញ្ចប់តូច,បំពង់កែវជ័រកែច្នៃសម្រាប់ជក់គ្រឿងញៀនចំនួន២,ទុយោកែច្នៃសម្រាប់ជក់គ្រឿងញៀនចំនួនមួយ,ដែកកេះចំនួន៤,កូនថង់សម្រាប់ច្រកគ្រឿងញៀនមួយចំនួន។ បច្ចុប្បន្នជនសង្ស័យទាំង៣នាក់ខាងលើ កំពុងឃាត់ខ្លួនជាបណ្តោះអាសន្ន នៅអធិការដ្ឋាននគរបាលខណ្ឌទួលគោក ដើម្បីធ្វើការសាកសួរ និងកសាងសំណុំរឿងបញ្ជូនទៅសាលាដំបូងរាជធានីភ្នំពេញ៕
ចំនួនអ្នកទស្សនា
- ថ្ងៃនេះ461
- ម្សិលមិញ16391
- សប្តាហ៍នេះ46691
- ខែនេះ161841
- ឆ្នាំនេះ161841
- សរុប20604297