នគរបាលក្រុងពោធិ៍សាត់ ឃាត់ខ្លួនមុខសញ្ញាចែកចាយគ្រឿងញៀនម្នាក់បញ្ជូនទៅសាលាដំបូងខេត្ត
28-November-2018 | ដោយ ពលមនសិការ
ពោធិ៍សាត់៖ ជនសង្ស័យឈ្មោះកើ អ៊ឹមរ៉ន ភេទប្រុស អាយុ២៣ឆ្នាំ ត្រូវបានសមត្ថកិច្ចនគរបាលក្រុងពោធិ៍សាត់សហការជាមួយកម្លាំងប៉ុស្តិ៍នគរបាលរដ្ឋបាលចុះបង្ក្រាប ឃាត់ខ្លួនកាលពីវេលាម៉ោង១៥និង១០នាទី ថ្ងៃទី២៧ ខែវិច្ឆិកា ឆ្នាំ២០១៨ នៅចំណុចភូមិឥស្លាម សង្កាត់បន្ទាយដី ក្រុង.ខេត្តពោធិ៍សាត់ ពីបទជួញដូរដោយខុសច្បាប់នូវសារធាតុញៀន។
លោកវរសេនីយ៍ឯកយឹម ស៊ាងហៃ អធិការក្រុងបានឲ្យដឹងថា ការចុះបង្ក្រាបករណីនេះ ដោយសារតែមានការសហការផ្តល់ព័ត៌មានពីប្រជាពលរដ្ឋនិងមានការសម្របសម្រួលពីលោកព្រះរាជាអាជ្ញាសាលាដំបូងខេត្តពោធិ៍សាត់ សមត្ថកិច្ចនគរបាលក្រុង បានចុះធ្វើបង្ក្រាបនៅចំណុចខាងលើចាប់ឃាត់ខ្លួនជនសង្ស័យឈ្មោះកើ អ៊ឹមរ៉ន ព្រមទាំងរកឃើញវត្ថុតាងក្នុងរថយន្តមានម្សៅក្រាមពណ៌សចំនួន៦កញ្ចប់ធំ ទម្ងន់១២៦.៨០ ក្រាម និងក្នុងបណ្តោងសោឡាន ចំនួន១ កញ្ចប់ធំ ២ កញ្ចប់តូច ទម្ងន់១១.៦៨ ក្រាម ដកហូតរថយន្ត១គ្រឿងម៉ាកកូរ៉ូឡាពណ៌ខ្មៅគ្មានស្លាកលេខ និងសម្ភារៈសម្រាប់វេចខ្ចប់មួយចំនួនទៀត យកមកកាន់អធិការដ្ឋាននគរបាលក្រុងដើម្បីកសាងសំណុំរឿងបញ្ជូនទៅសាលាដំបូងខេត្តពោធិ៍សាត់ចាត់ការតាមផ្លូវច្បាប់៕
ចំនួនអ្នកទស្សនា
- ថ្ងៃនេះ15221
- ម្សិលមិញ11441
- សប្តាហ៍នេះ45051
- ខែនេះ160201
- ឆ្នាំនេះ160201
- សរុប20602657