នគរបាលឃាត់ខ្លួនជនសង្ស័យ៤នាក់ពីបទជួញដូរ និងចែកចាយនូវសារធាតុញៀនខុសច្បាប់
03-December-2018 | ដោយ ពលមនសិការ
ពោធិ៍សាត់៖ កាលពីថ្ងៃទី០១ ខែធ្នូ ឆ្នាំ២០១៨ វេលាម៉ោង១៨និង៣០នាទី កម្លាំងអន្តរាគមន៍នឹងកម្លាំងប្រឆាំងគ្រឿងញៀនរបស់អធិការដ្ឋាននគរបាលក្រុងពោធិ៍សាត់ បានចុះបង្ក្រាបមុខសញ្ញាជួញដូរដោយខុសច្បាប់នូវសារធាតុញៀនបានចំនួន០១នាក់ឈ្មោះ និល វ៉េងហុង ភេទប្រុស អាយុ២៦ឆ្នាំ រស់នៅភូមិព្រៃឱម៉ាល សង្កាត់រលាប ក្រុងពោធិ៍សាត់ នៅចំនុចផ្សារបុរីភូពុយ ស្ថិតនៅភូមិពោធិ៍តាកួយ សង្កាត់លលកស ក្រុងពោធិ៍សាត់ ដោយដកហូតបានម្សៅក្រាមពណ៌ស ចំនួន១៩កញ្ចប់តូច (ទំងន់៦.៣១ក្រាម), ម៉ូតូ១គ្រឿង និងទូរស័ព្ទដៃ១គ្រឿង។
លោកវរសេនីយ៍ឯក យឹម ស៊ាងហៃ អធិការនគរបាលក្រុងពោធិ៍សាត់បានឲ្យដឹងថា បន្ទាប់ពីសមត្ថកិច្ចនគរបាលបានឃាត់ខ្លួនមេចែកចាយឈ្មោះ និល វ៉េងហុង រួចមកក៏មានជនសង្ស័យចំនួន៣នាក់ បានទាក់ទងមកលេខទូរស័ព្ទមុខសញ្ញាជួញដូរខាងលើ កម្ម៉ង់ទិញថ្នាំញៀន ហើយកម្លាំងយើងក៏បាននិយាយនឹងធ្វើការណាត់ជួប ហើយក៏ឃាត់បានជនសង្ស័យទាំង៣នាក់៖ទី១.ឈ្មោះ អ៊ិន រាត្រី ភេទប្រុស អាយុ១៩ឆ្នាំ រស់នៅភូមិចំការចេកជើង សង្កាត់ផ្ទះព្រៃ ក្រុងពោធិ៍សាត់, ទី២.ឈ្មោះ ផាន់ ភក្តី ភេទប្រុស អាយុ២៤ឆ្នាំរស់នៅភូមិពាលញែក១ សង្កាត់ផ្ទះព្រៃ ក្រុងពោធិ៍សាត់និងទី៣.ឈ្មោះ គឹម យូឡេង ភេទប្រុស អាយុ៤២ឆ្នាំ រស់នៅភូមិបន្ទាយដីលើ សង្កាត់បន្ទាយដី ក្រុងពោធិ៍សាត់។
បច្ចុប្បន្នកម្លាំងជំនាញប្រឆាំងគ្រឿងនៃអធិការដ្ឋាននគរបាលក្រុងពោធិ៍សាត់កំពុងកសាងសំណុំរឿងមុខសញ្ញាជួញដូរគ្រឿងញៀនខាងលើ បញ្ជូនទៅកាន់ការិយាល័យជំនាញនៃស្នងការដ្ឋាននគរបាលខេត្តពោធិ៍សាត់ ដើម្បីចាត់បន្តទៅតាមនីតិវិធី ៕
ចំនួនអ្នកទស្សនា
- ថ្ងៃនេះ12491
- ម្សិលមិញ11441
- សប្តាហ៍នេះ42321
- ខែនេះ157471
- ឆ្នាំនេះ157471
- សរុប20599927