កម្ពុជា-ឡាវ ក្នុងកិច្ចប្រជុំទ្វេភាគីបានកំណត់ទិសដៅកិច្ចសហប្រតិបត្តិការត្រួតពិនិត្យគ្រឿងញៀន សារធាតុញៀនដែលមានឥទ្ធិពលលើប្រព័ន្ធសរសៃប្រសាទ និងសារធាតុគីមីផ្សំ
07-December-2018 | ដោយ ពលមនសិការ
រៀងច័ន្ទ៖ ល្ងាចថ្ងៃទី៦ ខែធ្នូ ឆ្នាំ២០១៨ ដោយយោងតាមស្មារតីនៃកិច្ចព្រមព្រៀងរវាងរកម្ពុជា និងឡាវ ស្តីពីកិច្ចសហប្រតិបត្តិការត្រួតពិនិត្យគ្រឿងញៀនសារធាតុញៀនដែលមានឥទ្ធិពលលើប្រព័ន្ធប្រសាទ និងសារធាតុគីមីផ្សំដែលបានចុះហត្ថ លេខាកាលពីថ្ងៃទី១៤ ខែធ្នូ ឆ្នាំ១៩៩៩ និងផែនការសកម្មភាពសហ ប្រតិបត្តិការដែលបានចុះហត្ថលេខាកាលពីឆ្នាំ២០០០ កិច្ចប្រជុំទ្វេភាគីលើកទី១៧ស្តីពីកិច្ចសហប្រតិបត្តិការត្រួតពិនិត្យគ្រឿងញៀនរវាងរកម្ពុជា- ឡាវ។
គណៈប្រតិភូកម្ពុជាដឹកនាំដោយ ឯកឧត្តមនាយឧត្តមសេនីយ៍ ជួន សុវណ្ណ អនុប្រធានអាជ្ញាធរជាតិប្រយុទ្ធប្រឆាំងគ្រឿងញៀន និងជាប្រធានគណៈប្រតិភូឡាវដឹកនាំដោយ ឯកឧត្តម ឧត្តមសេនីយ៍ទោ ស៊ុមវ៉ាន់ ថាមម៉ាសិទ្ធ អនុរដ្ឋមន្ត្រីនៃក្រសូងសន្តិសុខសាធារណៈ និងស្នងការត្រួតពិនិត្យគ្រឿងញៀននិងគ្រប់គ្រងគ្រឿងញៀន។
ឈរលើស្មារតីសាមគ្គីភាព មិត្តភាព សហប្រតិបត្តិការនិងការយោគយល់គ្នាដែលឆ្លុះបញ្ជាំងឲ្យឃើញពីកិច្ចខិតខំប្រឹងប្រែង និងការប្តេជ្ញាចិត្តរបស់ស្ថាប័នត្រួតពិនិត្យគ្រឿងញៀននៃប្រទេសទាំងពីរជាមួយនឹងទស្សនៈនៃការពង្រឹងសកម្មភាពសហប្រតិបត្តិការ បន្ថែមទៀតស្រប ទៅតាម ខ្លឹម សារ នៃកិច្ចព្រមព្រៀងដែលបានចុះហត្ថលេខានៅឆ្នាំ១៩៩៩ និងផែនការសកម្មភាពនៃកិច្ចសហប្រតិបត្តិការ ដែលបានចុះហត្ថលេខានៅ ឆ្នាំ ២០០០។
ប្រឈមមុខទៅនឹងសភាពការណ៍ថ្មីៗ និងភាពស្មុគស្មាញនៃគ្រឿងញៀន៖ ការផលិត ការដាំដុះ ការច រាចរ និងការប្រើបំពានគ្រឿងញៀន ទាំងនៅក្នុងតំបន់ និងក្នុងប្រទេសយើងទាំងពីរ ពិសេសដើម្បីចូលរួម ជាមួយបណ្តាប្រទេសអាស៊ានក្នុងការកសាងបាននូវ "សន្តិសុខសហគមន៍ប្រឆាំងនឹងគ្រឿងញៀនខុសច្បាប់"ពីឆ្នាំ២០១៦-២០២៥ កម្ពជា-ឡាវបានដាក់នូវទិសដៅសម្រាប់កិច្ចសហប្រតិបត្តិការត្រួតពិនិត្យគ្រឿងញៀនឆ្នាំ២០១៩៖
១. ពង្រឹងកិច្ចសហប្រតិបត្តិការផ្លាស់ប្តូរព័ត៌មាន ឯកភាពគ្នាឱ្យមានការលើកកម្ពស់កិច្ចសហប្រតិបត្តិការចែករំលែកព័ត៌មានឱ្យគ្នាទៅវិញទៅមករវាងអាជ្ញាធរនៅថ្នាក់ជាតិ និងថ្នាក់ក្រោមជាតិ នៃប្រទេសទាំងពីរពាក់ព័ន្ធនឹងករណីផលិត ដាំដុះ ចរាចរ និងការប្រើបំពាននៃគ្រឿងញៀន។
២.ពង្រឹងការអនុវត្តច្បាប់តាមព្រំដែនដោយផ្អែកទៅលើច្បាប់ បទបញ្ញត្តិ នៃច្បាប់គ្រឿងញៀនគាំទ្រដល់ការស៊ើបអង្កេតករណីពាក់ព័ន្ធនិងគ្រឿងញៀនធានាបានដល់ការពង្រឹង កិច្ចសហប្រតិបត្តិការត្រួតពិនិត្យគ្រឿងញៀនទាំងថ្នាក់ជាតិ និងថ្នាក់ក្រោមជាតិដោយរៀបចំកិច្ចប្រជុំឱ្យបានទៀងទាត់ទាំងថ្នាក់ស្រុក និងថ្នាក់ខេត្ត តាមការប្តូរវេន។
៣. ការពង្រឹងសមត្ថភាពមន្ត្រីការិយាល័យទុំនាក់ទំនងព្រំដែន BLO នៅតាមខេត្តជាប់ព្រំដែន ដើម្បីបង្កើនកិច្ចសហប្រតិបត្តិការគ្នាធ្វើការចែករំលែកបទពិសោធន៍ ក៍ដូចជាការ ស្វែងរកការ គាំទ្រជាសម្ភារៈ និងការបណ្តុះបណ្តាលពីដៃគូអភិវឌ្ឍន៍នានា។
៤. បង្កើតភូមិ-ឃុំ និងសាលារៀនគ្មានគ្រឿងញៀននៅតាមព្រំដែនគាំទ្រគំនិតផ្តួចផ្តើមក្នុងការបង្កើតភូមិ-ឃុំ និងសាលារៀនគ្មាន គ្រឿងញៀននៅតាមតំបន់ព្រំដែន នៃប្រទេសទាំងពីរក្នុងនោះត្រូវធ្វើការណែនាំដល់អាជ្ញាធរខេត្តជាប់ព្រំដែនឱ្យយកចិត្តទុកដាក់អនុវត្តន៍តាមគំនិតផ្តួចផ្តើមនេះឱ្យមានប្រសិទ្ធភាពខ្ពស់ និងដោយបំផុសឲ្យមានការចូលរួមពីប្រជាពលរដ្ឋនៅមូលដ្ឋាន។
៥. ការផ្លាស់ប្តូរគណប្រតិភូប្រចាំឆ្នាំ២០១៩ ដើម្បីធ្វើការផ្លាស់ប្តូរបទពិសោធន៍លើការងារត្រួតពិនិត្យគ្រឿងញៀន។
៦. ពង្រឹងការយល់ដឹងពីគ្រឿងញៀន ដោយលើកកម្ពស់ជីវភាពប្រជាជនរបស់ប្រទេសទាំងពីរដែលរស់នៅតាមបណ្តោយព្រំដែននិងផ្សព្វផ្សាយបង្កើនការយល់ដឹងដល់ប្រជាពលរដ្ឋពីច្បាប់ស្តីពីការត្រួតពិនិត្យគ្រឿងញៀន និងពីគ្រោះថ្នាក់ដែលបង្កដោយគ្រឿងញៀន ។
៧. ឯកភាពគាំទ្រគម្រោងសុវត្ថិភាពទន្លេមេគង្គ ដើម្បីទប់ស្កាត់ការចរាចរគ្រឿងញៀន និងសារធាតុគីមីផ្សំចូលក្នុងតំបន់ផលិត ៕
.jpg)
ចំនួនអ្នកទស្សនា
- ថ្ងៃនេះ12651
- ម្សិលមិញ11441
- សប្តាហ៍នេះ42481
- ខែនេះ157631
- ឆ្នាំនេះ157631
- សរុប20600087