ជនសង្ស័យប្រុសស្រី០៤នាក់ ត្រូវកម្លាំងការិយាល័យប្រឆាំងគ្រឿងញៀនបញ្ជូនទៅតុលាការ
10-December-2018 | ដោយ ពលមនសិការ
សៀមរាប៖ នៅព្រឹកថ្ងៃទី១០ ខែធ្នូ ឆ្នាំ២០១៨ កម្លាំងនគរបាលការិយាល័យប្រឆាំងគ្រឿងញៀន នៃស្នងការខេត្តសៀមរាបបានបញ្ជូនជនសង្ស័យប្រុសស្រី៤នាក់ ទៅអយ្យការអមសាលាដំបូងខេត្តដើម្បីចាត់ការតាមនីតិវិធី ពាក់ព័ន្ធករណីរក្សាទុក ជួញដូរ និងចាត់ចែងឲ្យប្រើប្រាស់ដោយខុសច្បាប់នូវសារធាតុញៀន។
សូមបញ្ជាក់ថាជនសង្ស័យត្រូវបានកម្លាំងនគរបាលការិយាល័យប្រឆាំងគ្រឿងញៀនឃាត់ខ្លួនកាលពីថ្ងៃសៅរ៍ ០១កើត ខែមិគសិរ ឆ្នាំច សំរឹទ្ធស័ក ព.ស២៥៦២ ត្រូវនឹង ថ្ងៃទី០៨ ខែ ធ្នូឆ្នាំ ២០១៨ វេលាម៉ោង០៧និង១៥នាទីនៅចំណុចភូមិចុងកៅស៊ូ សង្កាត់ស្លក្រាម ក្រុងខេត្តសៀម។
មន្ត្រីនគរបាលខេត្តសៀមរាបបានឲ្យដឹងថាជនសង្ស័យទី១-ឈ្មោះ កែវ សុវណ្ណា ភេទប្រុស ឆ្នាំកំណើត ១៩៩១ មុខរបរពិតប្រាកដ ទីលំនៅភូមិចុងកៅស៊ូ សង្កាត់ស្លក្រាម ក្រុងខេត្តសៀម រាប (ប្រើប្រាស់ដោយខុសច្បាប់នូវសារធាតុញៀន),ទី២-ឈ្មោះ ត្រឹម សំណាង ភេទប្រុស ឆ្នាំកំណើត២០០៤ មុខរបរមិនពិតប្រាកដ ទីលំនៅភូមិចុងកៅស៊ូ សង្កាត់ស្លក្រាម ក្រុង/ខេត្តសៀមរាប (ជួញដូរនិងប្រើប្រាស់ដោយខុសច្បាប់នូវសារធាតុញៀន), និងទី៣-ឈ្មោះ រ៉ាត់ សុភី ភេទប្រុស ឆ្នាំកំណើត ២០០២ មុខរបរមិនប្រាកដ ទីលំនៅភូមិចុងកៅស៊ូ សង្កាត់ស្លក្រាម ក្រុង/ខេត្តសៀមរាប (ជួញដូរនិងប្រើប្រាស់ដោយខុសច្បាប់នូវសារធាតុញៀន) និងទី៤-ឈ្មោះ សាត អេងស៊ីម ភេទស្រី ឆ្នាំកំណើត ១៩៩១ មុខរបរមិនពិតប្រាកដ ទីលំនៅភូមិចុងកៅស៊ូ សង្កាត់ស្លក្រាម ក្រុង/ខេត្តសៀមរាប (ប្រើប្រាស់ដោយខុសច្បាប់នូវសារធាតុញៀន)។ វត្ថុតាងដកហូតរួមមាន៖ ម្សៅមេតំហ្វេតាមីនចំនួន ០៧កញ្ចប់ស្មើនឹងទម្ងន់៨,៧ ក្រាមទម្ងន់សុទ្ធ និងទូរស័ព្ទដៃចំនួន ០១គ្រឿង ៕
ចំនួនអ្នកទស្សនា
- ថ្ងៃនេះ13211
- ម្សិលមិញ11441
- សប្តាហ៍នេះ43041
- ខែនេះ158191
- ឆ្នាំនេះ158191
- សរុប20600647